ტელეკომპანია GDS-ის პროდიუსერის ვასილ მაღლაფერიძის განცხადებით, ახლო მომავალში არხზე პოლიტიკური თოქ-შოუსა და სხვა ახალი პროექტების დაწყებაც იგეგმება.
ამის შესახებ მაღლაფერიძემ გაზეთ „რეზონანსს“ განუცხადა და არ დაუკონკრეტებია თუ ვინ იქნებიან ახალი გადაცემების წამყვანები.
„პოლიტიკური თოქ-შოუც გვექნება მალე, მაგრამ წინასწარ არ მინდა ამაზე საუბარი, ყველაფერი გამოჩნდება, რაც იქნება. გაზეთებით და სოციალური ქსელებით ამ საკითხებზე არ საუბრობენ. თავის დადგენილ ვადაში ყველაფერი გავა. ცხადია, რომ ყველაფერი იქნება ისე, როგორც საჭიროა. ახალ სეზონზე რამდენიმე ახალი გადაცემა გვექნება, ამასთან დაკავშირებით ინტენსიური სამუშაო მიდის. ზოგი სექტემბრიდან, ზოგი კი ოქტომბრის დასაწყისიდან გავა. ეს არის რეორგანიზაციის შედეგი", - აცხადებს მაღლაფერიძე.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.