ევროპის საბჭოს მინისტრთა კომიტეტის საქართველოს თავმჯდომარეობის კულტურული ღონისძიებების ფარგლებში, 2019 წლის 3 დეკემბერს, სტრასბურგის მთავარ საკონცერტო დარბაზში „Palais de la musique et des congrès” ქართული ნაციონალური ბალეტის „სუხიშვილების“ კონცერტი გაიმართა.
აღნიშნული ღონისძიებით ანსამბლმა ქ. სტრასბურგს შობა და ახალი წელი მიულოცა.
მაყურებლის წინაშე ანსამბლი განახლებული პროგრამით წარსდგა. ტრადიციულ პროგრამასთან ერთად, შესრულდა ახალი, თანამედროვე ელემენტებით გამდიდრებული ცეკვები.
კონცერტი ევროპის საბჭოსთან საქართველოს მუდმივი წარმომადგენლობის ორგანიზებით გაიმართა და ღონისძიებაზე დასასწრები ბილეთები სრულიად უსასყიდლოდ გადაეცათ ევროპის საბჭოს, ევროპის საბჭოსთან აკრედიტებული დიპლომატიური მისიების, ქართული დიასპორისა და ქ. სტრასბურგის მერიის წარმომადგენლებს, ასევე ქ. სტრასბურგის მაცხოვრებლებს.
აღსანიშნავია, რომ საკონცერტო დარბაზი 1800 მაყურებელს იტევს და ქართული ნაციონალური ბალეტის კონცერტმა სრული ანშლაგით ჩაიარა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.