თბილისის მერიის მხარდაჭერით, „მიგრაციის ფილმების გლობალური ფესტივალი“ დღეს, 18:00 საათზე კინოთეატრ „ამირანში“ გაიხსნება. პირველ საფესტივალო საღამოს წარმოდგენილი იქნება ახალგაზრდა ქართველი რეჟისორის ვახო ჯაჯანიძის ფილმი „გამოსვლა“, მადლი ლაანის ფილმი „აგვისტოს სამი დღე“ და ალის შინის ფილმი „ჰარუს ახალი წელი“.
მიგრაციის საერთაშორისო ორგანიზაციის (IOM), გაეროს მიგრაციის სააგენტოს „მიგრაციის ფილმების გლობალური ფესტივალი“ ყოველ წელს ერთდროულად 100-ზე მეტ ქვეყანაში ტარდება. ფესტივალი აერთიანებს მსოფლიოს პროფესიონალ და დამწყებ რეჟისორებს, რომლებიც ფილმების საშუალებით ყვებიან მიგრანტთა ისტორიებს (https://www.iom.int/global-migration-film-festival).
ფესტივალი კინოთეატრ „ამირანში“ 13 -დან 18 დეკემბერამდე გაგრძელდება. ნაჩვენები იქნება მოკლე და სრულმეტრაჟიანი, დოკუმენტური და მხატვრული ფილმები. ფესტივალის ფარგლებში კინოთეატრ „ამირანის“ მე-2 სართულზე წარმოდგენილი იქნება IOM-ის გამოფენა „უთქმელი ამბები - ქართველი დაბრუნებული მიგრანტების ფოტოისტორიები“, რომლის ავტორი ფოტოგრაფი დინა ოგანოვაა.
ფესტივალს მიგრაციის საერთაშორისო ორგანიზაცია გაეროს მუდმივი კოორდინატორის ოფისისა და თბილისის მერიის კულტურის, განათლების, სპორტისა და ახალგაზრდულ საქმეთა საქალაქო სამსახურის მხარდაჭერით ახორციელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.