ყაზახეთის ქალაქ ალმა-ატაში სამგზავრო თვითმფრინავის კატასტროფის შედეგად სულ მცირე 14 ადამიანია დაღუპული, დაშავებულთა რიცხვი კი 35-ს შეადგენს, იტყობინება რუსული მედია.
დაშავებულთაგან 22 უკიდურესად მძიმე მდგომარეობაში იმყოფება.
კატასტროფა „ბეკ ეარის“ კუთვნილმა თვითმფრინავმა Fokker-100-მა განიცადა. ყაზახეთის ინდუსტრიისა და ინფრასტრუქტურული განვითარების სამინისტროს მიერ გავრცელებულ განცხადებაში ნათქვამია, რომ ავიაკომპანია „ბეკ ეარის“ თვითმფრინავმა ადგილობრივი დროით 7:22 საათზე, აფრენისას სიმაღლე დაკარგა და ჩამოვარდნისას ბეტონის ღობის გასწვრივ ორსართულიან შენობას დაეცა და დაიმსხვრა. ამ დროისთვის მგზავრებისა და ეკიპაჟის ევაკუაცია ხორციელდება.
ყაზახეთის შინაგან საქმეთა სამინისტროს ცნობით, თვითმფრინავი ალმა-ატის საცხოვრებელ რაიონში ჩამოვარდა. უწყების ცნობით, ავიალაინერის ბორტზე 95 მგზავრი და ეკიპაჟის 5 წევრი იმყოფებოდა. შემთხვევის ადგილას მაშველები, სამედიცინო სამსახურებისა და სამართალდამცავი ორგანოების წარმომადგენლები მუშაობენ, მიმდინარეობს ევაკუაცია.
ალმა-ატის აეროპორტში სასწრაფო დახმარების ავტომანქანებია მობილიზებული და დაშავებულები საავადმყოფოებში გადაჰყავთ.
ყაზახეთის პრეზიდენტმა, კასიმ-ჟომარტ ტოკაევმა მომხდართან დაკავშირებით წუხილი გამოხატა. მან დაღუპულთა ახლობლებს სამძიმარი გამოუცხადა და განაცხადა, რომ მკაცრად დაისჯება ყველა ის პირი, ვისი ბრალეულობაც გამოიკვეთება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.