ქვემო ქართლის ყოფილი გუბერნატორის დავით კირკიტაძის წინააღმდეგ პროკურატურაში განსახილველად რამდენიმე საქმე შევიდა. ინფორმაციას, პროკურატურიდან გამოთხოვილ დოკუმენტებზე დაყრდნობით, გაზეთი "ალია" ავრცელებს, რომლის მიხედვითაც ირკვევა, რომ კონკრეტული საჯარო მოხელეები პირადი ინტერესის სასარგებლოდ უკანონოდ აწარმოებდნენ მშენებლობას.
გაზეთისთვის მიწოდებული დოკუმენტების საფუძველზე, ირკვევა, რომ დავით კირკიტაძემ და ექს-პრემიერმა ვანო მერაბიშვილმა, ჩაიდინეს კანონდარღვევა რაც გულისხმობს სხვადასხვა ბუფერულ ზონებში, სხვადასხვა ფორმისთვის ობიექტის მშენებლობაზე ნებართვის გაცემასა და მიწის ნაკვეთების გასხვისებას.
პროკურატურაში გადაგზავნილი საქმეები ეხება ასევე გზების რეაბილიტაციის დროს დაკარგულ თანხებსა და უხარისხო ასფალტის საფარის დაგებას. საქმეების მიხედვით იკვეთება სისხლის სამართლის დანაშაული ყოფილი საჯარო მოხელეების მხრიდან.
რაც შეეხება კონკრეტულ საჯარო მოხელეებს, ესენი არიან, მუნიციპალური განვითარების ფონდის ყოფილი ხელმძღვანელი ლევან ჭიჭინაძე, მისი მოადგილე დავით სირაძე, რეგიონული გავითარებისა და ინფრასტრუქტურის ექს-მინისტრი რამაზ ნიკოლაიშვილი, ექს-პრემიერი ვანო მერაბიშვილი და ქვემო ქართლის ყოფილი გუბერნატორი დავით კირკიტაძე, ასევე წყალმომარაგების კომპანიის ყოფილი ხელმძღვანელი ირაკლი კვაშილავა და იუსტიციის ყოფილი მინისტრი ზურაბ ადეიშვილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.