საქართველოს განათლების, მეცნიერების, კულტურისა და სპორტის მინისტრის მოადგილე, თამარ ქიტიაშვილი, ოზურგეთის კოლეჯ „ჰორიზონტს“ ეწვია, სადაც კოლეჯის სასწავლო ლაბორატორიები მოინახულა, სტუდენტებს შეხვდა და პროგრამების მიმდინარეობასა და არსებულ საჭიროებებზე მიიღო ინფორმაცია.
ვიზიტის ფარგლებში თამარ ქიტიაშვილმა სამუშაო შეხვედრა გამართა გურიის გუბერნატორთან, ადგილობრივი თვითმმართველობისა და კერძო სექტორის წარმომადგენლებთან. შეხვედრაზე ყურადღება გამახვილდა რეგიონში პროფესიული განათლების ქსელის გაფართოებასა და ადგილობრივ ბიზნესთან მჭიდრო თანამშრომლობაზე.
შეხვედრაზე გურიის გუბერნატორმა ისაუბრა კოლეჯის როლზე რეგიონის ეკონომიკური განვითარების პროცესში და ადგილობრივი თვითმმართველობის წარმომადგენლებთან ერთად მზაობა გამოთქვა, ხელი შეუწყოს კოლეჯ „ჰორიზონტისა“ და, ზოგადად, რეგიონში პროფესიული განათლების განვითარებასა და კურსდამთავრებულთა დასაქმებას.
განათლების, მეცნიერების, კულტურისა და სპორტის სამინისტროს მხარდაჭერით ამ ეტაპზე ჩოხატაურის მუნიციპალიტეტში აქტიურად მიმდინარეობს კოლეჯ „ჰორიზონტის“ ფილიალის ორი სასწავლო კორპუსის მშენებლობა, სადაც პროგრამები სოფლის მეურნეობის, ტურიზმის, სასტუმრო მომსახურების, გადამუშავებისა და სოფლის მეურნეობის მიმართულებით ამოქმედდება. მნიშვნელოვანი ინფრასტრუქტურული პროექტები ხორციელდება კოლეჯის ოზურგეთის ბაზაზეც. წლის ბოლოსთვის დასრულდება დამხმარე შენობის მშენებლობა, სადაც სახელოსნოები და ლაბორატორიები გაიხსნება. ეს კი კოლეჯს დამატებითი პროფესიული პროგრამების ამოქმედების შესაძლებლობას მისცემს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.