საჩხერის სამთო მომზადების სკოლის პირადი შემადგენლობისა და შინაგან საქმეთა სამინისტროს სტრატეგიული მილსადენების დაცვის დეპარტამენტის თანამშრომლებისთვის სამთო მომზადების ზამთრის შუალედური კურსი დასრულდა. სასწავლო პროგრამა ოთხი კვირის განმავლობაში ორ ფაზად, აბულის სამთო სასროლეთსა და დაბა ბაკურიანში მიმდინარეობდა.
საჩხერის სამთო მომზადების სკოლის ინსტრუქტორების დახმარებით კურსის მონაწილეებმა მაღალ მთაში ეფექტურად მოქმედების უნარები გაიუმჯობესეს. მათ მაღალ მთაში სროლა, სამთო აღჭურვილობის მოხმარება, დაშავებულისთვის პირველადი დახმარების აღმოჩენა, თოვლში თავშესაფრის მოწყობა, განსაკუთრებულად ცივ პირობებში მოქმედება და გაუკვალავ თოვლში ტექნიკური სრიალი შეისწავლეს.
ტრენინგის დასრულების შემდეგ კურსდამთავრებულებს სერტიფიკატები და სამკერდე ნიშნები გადაეცათ. მონაწილეებს წვრთნების წარმატებით დასრულება სამთო მომზადების სკოლის მეთაურმა, ვიცე-პოლკოვნიკმა მალხაზ გოლეთიანმა და შინაგან საქმეთა სამინისტროს სტრატეგიული მილსადენების დაცვის დეპარტამენტის დირექტორმა, ზურაბ ჭაბაშვილმა მიულოცეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.