დავით აღმაშენებლის სახელობის საქართველოს ეროვნულმა თავდაცვის აკადემიამ სამეცნიერო კონფერენციას „ცოდნას მივყავართ გამარჯვებამდე“ უმასპინძლა. კონფერენცია თავდაცვის მინისტრის მოადგილემ, რატი ბრეგაძემ და საქართველოს თავდაცვის ძალების მეთაურის პირველმა მოადგილემ, გენერალ-მაიორმა ზაზა ჩხაიძემ გახსნეს. მონაწილეებს სიტყვით მიმართა აკადემიის რექტორმა, ბრიგადის გენერალმა მალხაზ მაკარაძემ.
კონფერენცია თავდაცვისა და უსაფრთხოების სფეროში იუნკერების ცნობიერების ამაღლებასა და მათი მოტივაციის გაზრდას ისახავს მიზნად.
სამეცნიერო კონფერენციას სხვადასხვა უმაღლესი სასწავლებლის ხელმძღვანელი პირები დაესწრნენ.
კონფერენციის დასასრულს დავით აღმაშენებლის სახელობის საქართველოს ეროვნულმა თავდაცვის აკადემიამ ევროპის უნივერსიტეტსა და მართვისა და კომუნიკაციის საერთაშორისო სასწავლო უნივერსიტეტ „ალტერბრიჯთან“ ურთიერთთანამშრომლობის მემორანდუმი გააფორმა.
ეროვნული თავდაცვის აკადემიაში სამეცნიერო კონფერენციები მომავალშიც რეგულარულად გაიმართება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.