ისრაელის სამხედრო ძალებმა განაცხადეს, რომ ღაზასა და სირიაში პალესტინის მებრძოლი ჯგუფის წინააღმდეგ საჰაერო იერიში წამოიწყეს. როგორც BBC ისრაელის სამხედროებზე დაყრდნობით იუწყება, საჰაერო იერიში სამხრეთ დამასკოში და ღაზას სექტორში ისლამისტი ჯიჰადისტების სამიზნეებზე კვირას, ღაზას სექტორიდან სამხრეთ ისრაელზე განხორციელებული სულ მცირე 20 სარაკეტო დარტყმის საპასუხო ნაბიჯი იყო.
სირიაზე იერიშის მიტანის იშვიათი აღიარებისას, ისრაელის სამხედროებმა განაცხადეს, რომ მათი სამიზნე „ისლამისტური ჯიჰადის აქტივობების ცენტრი“ იყო.
სირიამ განაცხადა, რომ მისმა საჰაერო თავდაცვამ ისრაელის რაკეტების უმეტესობა ჩამოაგდო.
პალესტინის ჯანდაცვის უწყების ცნობით, ისრაელის დარტყმების შედეგად ღაზაში ოთხი ადამიანია დაჭრილი. გარდაცვლილების შესახებ ინფორმაცია არც ერთ მხარეს არ გაუვრცელებია.
საომარი მოქმედებები კვირა დილას დაიწყო, როცა ისრაელმა განაცხადა, რომ მან თავისი მესერგავლებული საზღვრის გასწვრივ ისლამისტური ჯიჰადის წევრი მოკლა, რომელიც ისრაელის სამხედროების თქმით, ასაფეთქებელი მოწყობილობის დამონატაჟებას ცდილობდა.
სოციალურ მედიაში ფართოდ გავრცელებულ ვიდეოში ჩანს თუ როგორ ამოჰყავს ისრაელის ბულდოზერს მამაკაცი, რამაც პალესტინელებს შორის სიბრაზე წარმოშვა.
პალესტინელების ნაწილმა გააკეთა მოწოდება, რომ სამაგიერო მიეზღოთ ისრაელელებისთვის და რამდენიმე საათის შემდეგ ღაზას სექტორიდან ისრაელის მიმართულებით რაკეტები იქნა გაშვებული, რაზეც პასუხისმგებლობა ისლამისტმა ჯიჰადისტებმა აიღეს და აღნიშნულს ღაზას საზღვართან თავიანთი ერთ-ერთი მებრძოლის მოკვლის საპასუხო ნაბიჯი უწოდეს.
ისლამისტური ჯიჰადი, რომელიც ირანის მიერ არის მხარდაჭერილი, ერთ-ერთი ყველაზე მძლავრი მებრძოლთა ჯგუფია ღაზაში. „ჰამასის“ მოკავშირე ამ ჯგუფს ბოლო ათწლეულებში არაერთი ომი აქვს წარმოებული ისრაელის წინააღმდეგ.
არეულობებმა ისრაელსა და ისლამისტი ჯიჰადისტების დაჯგუფებას შორის გასული წლის ნოემბერში იფეთქა, როცა ისრაელის საჰაერო იერიშმა ღაზაში, ჯიჰადისტ მეომართა ჯგუფის ერთ-ერთი მეთაურის სიცოცხლე იმსხვერპლა.
ისრაელის სამხედრო ძალებსა და პალესტინელებს შორის შეხლა-შემოხლას თებერვლის დასაწყისშიც ჰოქნდა ადგილი, მას შემდეგ რამდენიმე დღეში, რაც ამერიკის შეერთებული შტატების პრეზიდენტმა, დონალდ ტრამპმა ახლო აღმოსავლეთის სამშვიდობო გეგმა წარმოადგინა.
ტრამპის გეგმა იერუსალიმს „ისრაელის განუყოფელ დედაქალაქად“ მიიჩნევს. იგი პალესტინას დამოუკიდებელ სახელმწიფოდ განიხილავს და აღიარებს ისრაელის სუვერინეტეტს დასავლეთ სანაპიროს ახალშენებზე.
ისრაელის პრემიერ მინისტრ ბენიამინ ნეთანიაჰუს (ფოტოზე მარჯვნივ) გვერდით მდგომმა ტრამპმა თეთრ სახლში 2020 წლის 28 იანვარს განაცხადა, რომ წინადადებები პალესტინელებისთვის „შესაძლოა ბოლო შანსი“ იყოს.
პალესტინის პრეზიდენტმა მაჰმუდ აბასმა ტრამპის გეგმებს „კონსპირაცია“ უწოდა.
„მე ვეუბნები ტრამპს და ნეთანიაჰუს: იერუსალიმი არ იყიდება, ყველა ჩვენი უფლება, არ იყოდება, და თქვენს შეთანხმებას, კონსპირაციას ასრულება არ უწერია“, განაცახდა დასავლეთ სანაპიროს ქალაქ რამალადან სატელევიზიო მიმამრთვაში აბასმა.
ახლო აღმოსავლეთის სამშვიდობო გეგმა, რომლის მიზანიცაა მსოფლიოს ერთ-ერთი ყველაზე ხანგრძლივი კონფლიქტის გადაწყვეტა, აშშ-ის პრეზიდენტის სიძის, ჯარედ კუშნერის ხელმძღვანელობით იქნა შედგენილი.
სამშაბათს, ღაზას სექტორში ათასობით ადამიანი იყო გამოსული ქუჩებში პროტესტის გამოსახატად, ისრაელის თავდაცვის სამინისტრომ კი ოკუპირებულ დასავლეთ სანაპიროზე სამხედრო ძალების დამატებითი შენაერთები განალაგა და კონტროლი გააძლიერა.
თეთრ სახლში ერთობლივი განცხადება იმ ფონზე გაკეთდა, როცა ორივე - ტრამპიც და ნეთანიაჰუც შინ პოლიტიკური გამოწვევების წინაშე დგას. ტრამპი ძალაუფლების ბოროტად გამოყენების ბრალდებით, რაც უკრაინის პრეზიდენტზე, ვოლოდიმირ ზელენსკიზე ტრამპის მხრიდან მისი პოლიტიკური მოწინააღმდეგის, ჯო ბაიდენის უკრაინაში მოღვაწე ვაჟიშვილზე სავარაუდო ზეწოლას უკავშირდება, და ასევე კონგრესისთვის ხელისშეშლის ბრალდებით, აშშ-ის სენატში იმპიჩმენტის მოლოდინშია, მაშინ როცა ნეთანიაჰუს კორუფციის ბრალდებები აქვს წაყენებული. ორივე მათგანი უარყოფს რაიმე კანონსაწინაღმდეგო ქმედებას.
დევიდ ფრიდმანმა, აშშ-ის ელჩმა ისრაელში, განაცხადა, რომ ახლო აღმოსავლეთის სამშვიდობო გეგმის გამოცხადების დრო რაიმე პოლიტიკურ განვითარებასთან კავშირში არ ყოფილა და დაამატა, რომ ეს გეგმა „სრულად იყო მხარდაჭერილი“ უფრო ადრეც.
ამ დროს კი, როგორც BBC იუწყება, ნეთანიაჰუ კვირას, კაბინეტის კენჭისყრაზე გეგმავდა ზეწოლის მოხდენას ოკუპირებული დასავლეთ სანაპიროს 30%-ის ანექსიის თაობაზე.
დასავლეთ სანაპიროს დასახლებებში 400 000-ზე მეტი ისრაელელი ცხოვრობს. აღნიშნული ახალშენები არაკანონიერადაა მიჩნეული საერთაშორისო სამართლის მიხედვით, თუმცა ისრაელი ამას არ ეთანხმება.
„დღეს, ისრაელი დგამს დიდ ნაბიჯს მშვიდობისაკენ“, უთხრა ტრამპმა თეთრ სახლში ოფიციალურ პირებს და ჟურნალისტებს. „ჩემი ხედვა წარმოადგენს გამარჯვების შესაძლებლობას ორივე მხარისათვის, რეალისტურ ორი-სახელმწიფოს გადაწყვეტას, რომელიც ჭრის პალესტინური სახელმწიფოს ისრაელის უსაფრთხოებისადმი რისკს“.
ტრამპის გეგმა ასეთია:
„პალესტინელები სიღარიბესა და არეულობაში იმყოფებიან, ექსპლუატირებულნი არიან მათ მიერ, რომლებიც ცდილობენ გამოიყენონ ისინი როგორც პაიკები ტერორიზმისა და ექსტრემიზმის წასახალისებლად. ისინი იმსახურებენ გაცილებით უკეთეს ცხოვრებას“, განაცხადა ტრამპმა.
მან ასევე აღნიშნა, რომ გეგმის მიხედვით დასავლეთ სანაპირო არ იქნება სანახევროდ გაყოფილი.
„ჩვენ ასევე ვიმუშავებთ მომიჯნავე ტერიტორიის შესაქმნელად მომავალი პალესტინური სახელმწიფოს შიგნით, იმ დროისთვის, როცა სახელმწიფოებრიობისთვის გარემოებები შესაბამისობაში მოვა, მათ შორის უარყოფილი იქნება ტერორიზმი“, თქვა ტრამპმა.
ისრაელის ოფიციალურმა პირებმა განაცხადეს, რომ ნეთანიაჰუ ოთხშაბათს მოსკოვში გაფრინდება, რათა სამშვიდობო გეგმის წინადადებები რუსეთის პრეზიდენტთან, ვლადიმერ პუტინთან განიხილოს.
თავის მიმართვაში, პალესტინის პრეზიდენტმა მაჰმუდ აბასმა განაცხადა, რომ „შეუძლებელია ნებისმიერი პალესტინელისთვის, არაბისთვის, მუსლიმისა თუ ქრისტიანი ბავშვისთვის, თანხმობა განაცხადოს“ ისეთ პალესტინურ სახელმწიფოზე, რომლის დედაქალაქიც იერუსალიმი არ იქნება. „ჩვენ ათასჯერ ვამბობთ - არა, არა, არა. ჩვენ იმთავითვე უარვყავით ეს შეთანხმება და ჩვენი პოზიცია მართებული იყო“, თქვა აბასმა.
პალესტინურმა სამხედრო ისლამისტურმა ჯგუფმა „ჰამასმა“, რომელიც ღაზას სექტორს აკონტროლებს, ასევე არ მიიღო გეგმა და განაცხადა, რომ მისი მიზანია „პალესტინური ეროვნული პროექტის ლიკვიდაცია“.
გაერომ განაცხადა, რომ იგი ერთგული რჩება ორი-სახელმწიფოს გადაწყვეტისადმი, რომლის საზღვრებიც დაფუძნებული იქნება 1967 წლის ომამდე არსებულ საზღვრებზე, ანუ იმ პერიოდამდე, სანამ ისრაელი დასავლეთ სანაპიროს და ღაზას ომით დაეპატრონებოდა.
გაეროს გენერალური მდივნის, ანტონიო გუტერეშის წარმომადგენელმა განაცხადა, რომ გაეროს სურს ისეთი სამშვიდობო შეთანხმება, რომელიც გაეროს რეზოლუციებზე, საერთაშორისო სამართალსა და ორმხრივ შეთანხმებებზე იქნება დაფუძნებული.
მომზადებულია GUARDIAN.GE-ის მიერ
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.