ისრაელის პრემიერ მინისტრმა ბენიამინ ნეთანიაჰუმ - მას შემდეგ, რაც ეგზიტ პოლები გამოქვეყნდა, რომლის მიხედვითაც იგი მთავარ მეტოქეს, ბენი განცს უსწრებს - განაცხადა, რომ ქვეყანაში გამართულ საპარლამენტო არჩევნებში გამარჯვება მან მოიპოვა.
ეგზიტ პოლებმა, რომელიც ქვეყნის სამმა მთავარმა ტელევიზიამ გამოაქვეყნა, მემარჯვენე ფრთის „ლიკუდის პარტიას“ 36-37 ადგილი მისცა, განცის ცენტრისტულ „ლურჯ და თეთრ“ ალიანსს 32-34, სხვებს კი 49-51.
მიუხედავად ამისა, ეგზიტ პოლები აჩვენებს, რომ „ლიკუდსა“ და მის მემარჯვენე ფრთის მოკავშირეებს შესაძლოა არ ეყოთ ადგილები უმრავლესობის შესაქმნელად.
როგორც BBC იუწყება, თუკი ეგზიტ პოლების პროგნოზი გამართლდა, „ლიკუდს“ და მის მემარჯვენე ფრთის მოკავშირეებს ჯამში 59-60 ადგილი ერგებათ - ერთი ან ორი ადგილით ნაკლები უმრავლესობის ჩამოსაყალიბებლად.
ორშაბათს გამართული არჩევნები ერთ წელიწადზე ნაკლებ პერიოდში მესამე რიგგარეშე არჩევნები იყო, რადგან გასულ წელს გამართულ წინა ორ საპარლამენტო არჩევნებზე ვერც ერთმა მთავარმა პარტიამ ვერ შეძლო 120-კაციან ქნესეთში უმრავლესობის მოპოვება და მთავრობის ფორმირება.
70 წლის ნეთანიაჰუ ისრაელის სათავეში ყველაზე ხანგრძლივად მყოფი ლიდერია, რომელიც მე-5 ვადით ცდილობს პრემიერ მინისტრის პოსტის დაკავებას. იგი ქვეყნის პრემიერი იყო 1996-1999 წლებში და ასევე ამ თანამდებობაზეა 2009 წლიდან დღემდე.
საპარლამენტო არჩევნები ორი კვირით ადრე ჩატარდა, ვიდრე პრემიერ მინისტრი სასამართლოს წინაშე კორუფციის ბრალდებით უნდა წარსდგეს, რასაც იგი კატეგორიულად უარყოფს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.