სასჯელაღსრულების და პრობაციის მინისტრი სოზარ სუბარის განცხადებით, უწყებას აქვს ინფორმაცია, რომ გეგუთის #14-ე სასჯელაღსრულების დაწესებულებაში მორიგი საპროტესტო ტალღის აგორება იგეგმება.
მინისტრის თქმით, მსჯავრდებულები ამჯერად პროტესტის მიზეზად მედიკამენტების და საკვების პრობლემას დაასახელებენ. სოზარ სუბარის განმარტებით, სასჯელაღსრულების დაწესებულებებში, გასულ წლებთან შედარებით, ყველაზე მაღალი სტანდარტები მოქმედებს, პატირმების პროტესტი კი, ხელოვნურადაა გამოწვეული.
"გეგუთის ციხეში არის, აბსოლუტური სიმშვიდე ამ ეტაპისთვის, თუმცა, როგორც რამდენიმე კვირის წინათ გვქონდა ინფორმაცია, რომ რაღაც ტალღის აგორებას აპირებდნენ, ახლაც გვაქვს ესეთი ინფორმაცია. მათ წინასწარ გადაწყვიტეს, რომ რადგან ამან არ გაჭრა, ახლა აქცენტი უნდა გააკეთონ სხვა ტიპის საკითხებზე, თითქოს, აქვთ კვებასთან დაკავშირებული პრეტენზიები, სოციალურ საკითხებთან დაკავშირებული პრობლემები. სახელმწიფოს აქვს ძალის გამოყენების ლეგიტიმური უფლება და ამას ვერ შეაჩერებს ვერანაირი აქცია გარეთ თუ შიგნით. უბრალოდ, ამის არანაირი საჭიროება არ ყოფილა და არც იქნება დარწმუნებული ვარ"- განაცხადა სუბარმა.
მსჯავრდებულების მხრიდან განმეორებით პროტესტს, ასევე არ გამორიცხავს სახალხო დამცველი უჩა ნანუაშვილი. მისი განცხადებით, ომბუდსმენის აპარატი გეგუთში მიმდინარე პროცესებს სისტემატიურად დააკვირდება და პატირმების პრობლემებს შეისწავლის.
"არ არის გამორციხული, როომ მსგავს საკითხზე კვლავ მოხდეს მასობრივი საპროტესტო აქციების ორგანიზება. სწორედ ამიტომ, უახლოესი დღეების განმავლობაში დავიწყებთ სისტემატურ მონიტორინგს უშუალოდ გეგუთის დაწესებულებაში, რათა ყველა ის პრობლემა აღვნუსხოთ და მოვახერხოთ ერთგვარი იდენტიფიცირება ყველა პრობლემების, რომლებზეც მსჯავრდბეულები საუბრობენ" - განაცხადა ნანუაშვილმა.
გეგუთის სასჯელაღსრულების დაწესებულებაში 1000-მდე პატიმარი რამდენიმე დღის განმავლობაში შიმშილობდა. მათ შიმშილობა 12 თებერვალს შეწყვიტეს. რამდენიმე მათგანმა თვითდაზიანებაც მიიყენა. პატიმრების მოთხოვნა იყო და არის, ერთ-ერთი მსჯავრდებულისთვის ფიზიკური შეურაცხყოფის მიყენების ფაქტზე სათანადო გამოძიების ჩატარება და ციხის ადინისტრაციის თანამშრომლებისთვის უფლებამოსილების შეჩერება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.