საქართველოს განათლების, მეცნიერების, კულტურისა და სპორტის მინისტრის მოადგილე თამარ ქიტიაშვილმა, ფრანგული ინსტიტუტის დირექტორთან პიერ კლუეტთან და საფრანგეთის საელჩოს წარმომადგენლებთან სამუშაო შეხვედრა გამართა, რომლის ფარგლებშიც პროფესიული განათლების მიმართულებით საფრანგეთთან პარტნიორობის ახალი შესაძლებლობები განიხილა.
მინისტრის მოადგილემ სტუმრებს პროფესიული განათლების სისტემაში მიმდინარე რეფორმის პრიორიტეტები გააცნო და არსებულ გამოწვევებზე ისაუბრა. განსაკუთრებული ყურადღება გაამახვილა საერთაშორისო თანამშრომლობასა და პროფესიული კვალიფიკაციების ინტერნაციონალიზაციაზე, ასევე, საჯარო-კერძო პარტნიორობის მნიშვნელობაზე პროფესიული განათლების ყველა ეტაპზე.
მხარეები შეთანხმდნენ ბორდოს კოლეჯთან და სხვა ფრანგულ საგანმანათლებლო დაწესებულებებთან თანამშრომლობით ერთობლივი და გაცვლითი პროგრამები განხორციელებაზე. ასევე, განიხილეს მოკლე ციკლის პროგრამების დანერგვის შესაძლებლობა ფრანგულ უმაღლეს საგანმანათლებლო დაწესებულებებთან.
შეხვედრის ფარგლებში კერძო სექტორთან თანამშრომლობის გაღრმავებისა და გაძლიერების მიზნით დაიგეგმა ქართულ ფრანგულ სავაჭრო პალატასთან შეხვედრა, რომელიც საქართველოში მოქმედ ფრანგულ კომპანიებს შესაძლებლობას მისცემს დაინტერესდნენ და ჩაერთონ პროფესიულ განათლებაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.