ბავშვობაში, მაშინდელ და ჩემთვის ახლაც ბარნოვის ქუჩაზე მდებარე სახლში, ჩვენი სადარბაზოს სარდაფში შუახნის ქურთ ცოლ-ქმარს სამუშაო იარაღის შესანახად სათავსო ჰქონდა გამოყოფილი, ამის გამო ხშირად ვხვდებოდი მათ. გასაოცარი ზრდილობის, გულისხმიერებისა და სისუფთავის განსახიერება იყო ეს წყვილი. ერთმანეთის სიყვარული და ურთიერთ პატივისცემაც მოჭარბებულად ემჩნეოდათ და მათი ეს სითბო სხვათაც ედებოდათ. ზოგი მეზობელი იმასაც ამტკიცებდა, დილით სიფთაზე თუ ერთი მათგანი მაინც ვნახე იღბლიანი დღე მაქვსო. ქალბატონი როზა, რომელსაც შრომით და ასაკით „დაღლილ“ სახეზე სიმშვენიერე ჯერ კიდევ ეტყობოდა, კეთილი და მოზომილი ღიმილით გამოანათებდა ოქროს კბილებს და ყოველთვის საქმიანად ლამაზ ჭრელ ნაციონალურ კაბებში გამოწყობილი გააგრძელებდა ფუსფუსს. სასიამოვნო სანახავი იყო მისი გრძელწინსაფრიანი მეუღლეც, ბატონი მამედი. სამუშაოს შესრულების შემდეგ კი გაპრიალებული შავი ფეხსაცმელებით, ხმელ და მაღალ ტანზე კარგად მორგებული ევროპული კოსტუმით, ზომიერი „აეროდრომი“ ქუდით და დამახასიათებელი დიდი მოვლილი ულვაშით. სალამზე უთუოდ გიპასუხებდათ „გამარჯობათ გინსუალე“. ზრდილი მორიდებული, ტაქტიანი, სიტყვაძუნწი დაუზარელი, დამხმარე და ამაყი კაცი იყო.
...მაგრამ ყველაზე მეტი საოცრება იყო მათ მიერ დილაადრიანად დაბანილ -დავარცხნილი ვაკის უბნის ფრაგმენტი, წყლის, მტვრის და ფოთლის თავისებური სურნელით გაჟღენთილი. ღმერთმა აცხონოს ეს მშვენიერი წყვილი, თბილისის ჩუ- ქურთ -მები!
ედიშერ ოდიშარია
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.