იტალიაში კორონავირუსით გარდაცვლილთა რაოდენობა ბოლო 24 საათის განმავლობაში რეკორდულად, 475-ით გაიზარდა, რაც ინფექციის აფეთქებიდან ყველაზე დიდი ზრდაა და საერთო ჯამში დაღუპულთა რიცხვმა თითქმის 3 000-ს მიაღწია.
ამ დროისთვის იტალიაში კორონავირუსით ინფიცირებულთა 35 713 შემთხვევაა დადასტურებული, მათგან 4 000-ზე მეტი წარმატებით გამოჯანმრთელდა.
ყველაზე მეტი მსხვერპლია ლომბარდიაში, სადაც ერთ დღეში 319 ადამიანი გარდაიცვალა.
იტალია ჩინეთის შემდეგ მსოფლიოში ახალი კორონავირუსით ყველაზე მეტად დაზარალებული ქვეყანაა. ვირუსმა მთელი მსოფლიოს მასშტაბით ამ დროისთვის სულ მცირე 8 758 ადამიანის სიცოცხლე იმსხვერპლა, უმეტესობა ჩინეთში.
ახალი კორონავირუსით გარდაცვლილთა რაოდენობამ 33-ით მოიმატა დიდ ბრიტანეთში და 104-ს მიაღწია. სამშაბათის მონაცემებით სიკვდილიანობის მაჩვენებელი 71-ს შეადგენდა.
ინგლისის ჯანდაცვის ეროვნული სამსახურის განცხადებით, 32 ადამიანი ინგლისში გარდაიცვალა, ერთი კი შოტლანდიაში.
ჯანდაცვის ეროვნული სამსახურის (NHS) ცნობით, გარდაცვლილი პაციენტები 59-დან 94 წლის ასაკობრივ ზღვარში იყო მოქცეული და კორონავირუსის შეყრამდე ჯანმრთელობის სხვადასხვა პრობლემა გააჩნდათ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.