„ქართული ოცნების“ აღმასრულებელმა მდივანმა, ირაკლი კობახიძემ განაცხადა, რომ სააღდგომო ლიტურგიის საკითხზე ხელისუფლებასა და საპატრიარქოს შორის კონსულტაციები მიმდინარეობს და იმედი გამოთქვა, რომ კათოლიკოს-პატრიარქი „ბრძნულ გადაწყვეტილებას მიიღებს“.
„ჩვენ გვყავს ბრძენი პატრიარქი. ყველა ვითარებაში, მათ შორის პოლიტიკურ სიტუაციებში ის ყოველთვის იღებდა ბრძნულ გადაწყვეტილებას. ამ შემთხვევაში ჩვენ დარწმუნებული ვართ, რომ ის მიიღებს ბრძნულ გადაწყვეტილებას“, - განაცხადა ირაკლი კობახიძემ ტელეკომპანია POSTV-ის ეთერში.
ორშაბათს, გვიან ღამით, საქართველოს პრემიერ მინისტრი გიორგი გახარია საპატრიარქოში მივიდა და აღდგომის დღესასწაულთან დაკავშირებულ საკითხზე სრულიად საქართველოს კათოლიკოს-პატრიარქთან ილია მეორესთან შეხვედრა გამართა.
გახარიას საპატრიარქოში მისვლამდე იქ ვიცე-პრემიერი მაია ცქიტიშვილი, დააავადებათა კონტროლის ეროვნული ცენტრის დირექტორი ამირან გამყრელიძე და სხვა ოფიციალური პირები იმყოფებოდნენ, თუმცა შეხვედრის დასრულების შემდეგ კომენტარები არ გაკეთებულა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.