ბოლნისის მუნიციპალიტეტის სოფელ მუშევანის მცხოვრებმა აზერბაიჯანელებმა საქართველოს შინაგან საქმეთა სამინისტროს წარმომადგენლები და ექიმები სოფლიდან გააძევეს.
„ინფო რუსთავი“-ს ინფორმაციით, სოფელ მუშევანში მისულ სასწრაფო დახმარების ბრიგადის მედპერსონალს სოფლის მოსახლეობა ფიზიკურად გაუსწორდა.
ექიმებს ჰქონდათ ინფორმაცია, რომ ერთ-ერთ ოჯახში 7 პაციენტს კორონავირუსი დაუდასტურდა, იგეგმებოდა პაციენტების სამედიცინო დაწესებულებაში გადაყვანა, თუმცა ოჯახის წევრებმა ექიმებს პაციენტები არ გამოაყოლეს, რის შემდეგაც ადგილზე საჭირო გახდა პოლიციის გამოძახება.
სოფელში პოლიციის მისვლის შემდეგ ვითარება კიდევ უფრო დაიძაბა. აგრესიულად განწყობილი ადგილობრივები ქვებით და ხელკეტებით ცდილობდნენ სამართალდამცავებისთვის წინააღმდეგობის გაწევას.
საქართველოს პირველი არხის ინფორმაციით, სოფელ მუშევანში პარასკევს კორონავირუსის ათი დადასტურებული შემთხვევა გამოვლინდა. მანამდე სოფელში კიდევ რამდენიმე დადასტურებული შემთხვევა იყო, რის გამოც, სოფელში ზომები გამკაცრდა და დამატებითი საკონტროლო-გამშვები პუნქტი მოეწყო.
სოფელ მუშევანის მცხოვრებთა აბსოლუტურ უმრავლესობას აზერბაიჯანელები შეადგენენ. 2014 წლის მონაცემებით, სოფელში 905 ადამიანი ცხოვრობდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.