გლდანის რაიონის გამგეობის მიერ სხვადასხვა ინფრასტრუქტურული პროექტი ხორციელდება. მეოთხე მიკრორაიონის N105 კორპუსის მიმდებარედ სკვერის მოწყობა მიმდინარეობს.
აღნიშნულ მისამართზე გამგეობამ მოსახლეობის ჩართულობით ცხაურების დემონტაჟი განახორციელა და დაახლოებით, 1 000 კვ. მეტრ ფართობზე სკვერს აწყობს. სამუშაოების შედეგად, ეწყობა ბავშვთა გასართობი სივრცე, ფიტნეს ზონა, მოსასვენებელი პავილიონი, ღია სივრცის ტენისის მაგიდები, გარე განათებისა და სარწყავი სისტემა. განთავსდება სკვერისთვის საჭირო სხვა ინფრასტრუქტურა და დაიგება ბუნებრივი ბალახი.
ასევე, სკვერის ტერიტორიაზე მიმდინარეობს გამწვანების სამუშაოებიც, ირგვება კვიპაროზელას და ნეკერჩხლის ხეები.
გამწვანების პროცესში გლდანის რაიონის გამგებელი ბექა მიქაუტაძე ჩაერთო.
აღნიშნულ პროექტს გლდანის რაიონის გამგეობის დაკვეთით, შპს „ჩვენი ჯგუფი“ შეასრულებს, რისთვისაც გამგეობის ბიუჯეტიდან 163 361 ლარია გათვალისწინებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.