ტელეკომპანია "იმედის" გადაცემა "რეაქციას" წამყვანის ინგა გრიგოლიას განცხადებით, სტუდიაში შექმნილი მადგომარეობის გამო, გადაცემის პირველი ბლოკის ბოლომდე მიყვანა შეუძლებელი გახდა.
დედაქალაქის 2014 წლის ბიუჯეტის დაუმტკიცებლობის საკითხზე გამართულ დებატებში მონაწილეობა თბილისის მთავრობის და საკრებულოს წარმომადგენლებმა მიიღეს, თუმცა საუბარი წამოძახილის და ურთიერთდაპირისპირების რეჟიმში წარიმართა და დებატები მაყურებლისთვის გაუგებარი გახდა.
კრწანისის რაიონის გამგებლის ხათუნა ბერძენიშვილის განცხადებით, "საკრებულოს უმრავლესობაში "ნაციონალური მოძრაობიდან" "დაპორტირებული" პირები საჭირო და არაკვალიფიციური განცხადებებით ცდილობენ ახალი ხელისუფლებისთვის საჭირო გახდნენ". მისივე თქმით, "ამ ადამიანების მიზანი არ არის ხალზე ზრუნვა და ისინი თბილსის მთავრობის მიზანმიმართულად დაშლას და საკუთარი თანამდებობების შენარჩუნებას ცდილობენ".
თბილისის მერიის წარმომადგენლების განცხადებებს საკრებულოს უმრავლესობის წევრები გამოეხმაურნენ. ერთ-ერთი ფრაქციის წარმომადგენელმა გადაცემაში გია ხუროშვილის მეუღლის მანქანის ფოტო წარმოადგინა და განაცხადა, რომ საბურთალოს რაიონის გამგებლის მეუღლე დედაქალაქის მთავრობის კუთვნილი სატრანსპორტო საშუალებით სარგებლობს. აღნიშნულს თავად გია ხუროშვილი გამოეხმაურა და განმარტა, რომ ფოტო სპეციალურად პროვოკაციის მიზნით საბურთალოს გამგეობაში მივლენილმა პირმა გადაიღო.
გადაცემა "რეაქციას" მიმდინარეობისას წამყვანმა არაერთხელ მოუწოდა სტუმრებს და აუდიოტრიას თავი შეეკავებინათ ადგილიდან წამოძახებისგან და რესპოდენტებისთვის საუბრის საშუალება მიეცათ, თუმცა ინგა გრიგოლიას მცდელობის მიუხედავად, სიტუაცია ვერ განიმუხტა.
"ასეთია სიტუაცია თბილისის საკრებულოში, ასეთია სიტუიაცია თბილისის ბიუჯეტთან დაკავშირებით. ეს არის ერთი თემა, რომელზეც მე მეგონა რომ თავშეკავებული იქნებოდა ყველა მხარე, სამწუხაროდ მე უნდა შევწყვიტო გადაცემა",- აღნიშნა ინგა გრიგოლიამ.
გადაცემის პირველი ბლოკის შეწყვეტის შემდეგ დაპირისპირება ტელეკომპანია "იმედის" შენობის ფოიესა და ეზოში გაგრძელდა. საკრებულოს და მერიის წარმომადგენლებმა ერთმანეთს სიტყვიერი შეურაცხყოფა მიაყენეს. ამასთან, აღნიშნული მოვლენების გადაღებისას, კონფლიქტში მონაწილე პირებმა "იმედის" გადამღთბ ჯგუფს კამერა დაუზიანეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.