კოჯორში, ბარათაშვილის ქ. №3-ში, საყრდენი კედლის მშენებლობა მიმდინარეობს.
პროექტის ფარგლებში, ექვსი გრძივი მეტრი რკინა-ბეტონის კედელი მოეწყობა, რითაც ახლომდებარე საცხოვრებელ სახლებთან გრუნტის ჩამოშლის საფრთხე მოიხსნება.
ინფრასტრუქტურულ სამუშაოებს რაიონის გამგებელი დავით კირკიტაძე გაეცნო.
„მთაწმინდის გამგეობა აქტიურად განაგრძობს ინფრასტრუქტურული პროექტების განხორციელებას. ჩვენს რაიონში, რელიეფური მდგომარეობიდან გამომდინარე, განსაკუთრებით მწვავედ დგას მეწყერსაშიში ტერიტორიების პრობლემა. შესაბამისად, ძალიან ბევრ მისამართზეა აუცილებელი გრუნტის დამჭერი კედლების მოწყობა. ამიტომ, მდგომარეობის სირთულის მიხედვით, ეტაპობრივად ვახორციელებთ საყრდენი კედლების მშენებლობას. ერთ-ერთი მნიშვნელოვანი პროექტი მიმდინარეობს კოჯორში, სადაც სამუშაოები მალე დასრულდება“, - განაცხადა დავით კირკიტაძემ.
კედლის მშენებლობას მთაწმინდის გამგეობა აფინანსებს, რისთვისაც ადგილობრივ ბიუჯეტში 103 800 ლარია გათვალისწინებული. აღნიშნულ სამუშაოებს, რომელიც ივნისში დასრულდება, შპს „ინსტალ +“ აწარმოებს.
მიმდინარე წლისთვის რაიონში, მსგავსი პრობლემის გამო, გრუნტის დამჭერი ოთხი კედლის მოწყობა უკვე დასრულდა. წლის ბოლომდე კიდევ რამდენიმე კედლის მოწყობა არის დაგეგმილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.