თბილისში, გლდანის რაიონში მდებარე N50 საბავშვო ბაგა-ბაღის ავარიული შენობის დემონტაჟი მიმდინარეობს.
შესაბამის სამუშაოებს თბილისის საბავშვო ბაგა-ბაღების მართვის სააგენტოს ხელმძღვანელი კახაბერ გვანცელაძე გლდანის რაიონის გამგებელ ბექა მიქაუტაძესთან და მაჟორიტარ დეპუტატ შალვა ოგბაიძესთან ერთად გაეცნო. ასევე, დემონტაჟის მწარმოებელი კომპანიის წარმომადგენლებს პროექტის მიმდინარეობაზე გაესაუბრა.
„მიმდინარე წელს ინტენსიურად დავიწყეთ ავარიული შენობების დემონტაჟი. ამჟამად, ქალაქის მასშტაბით, ხუთი ავარიული შენობის დემონტაჟი მიმდინარეობს, რომელთა ნაცვლად, მომავალ წელს ახალი, თანამედროვე სტანდარტების ბაღების მშენებლობა დაიწყება და ალტერნატიულ ფართებში გადანაწილებული ბაღების კონტინგენტი კეთილმოწყობილ და უსაფრთხო გარემოში დაბრუნდება,“ - განმარტა კახაბერ გვანცელაძემ.
პროექტს საბავშვო ბაგა-ბაღების მართვის სააგენტო დედაქალაქის ქონების მართვის სააგენტოსთან ერთად ახორციელებს, რომელმაც დემონტაჟის მსურველი კომპანია აუქციონის გზით გამოავლინა. კომპანიას ტერიტორიის გასუფთავებისათვის ვადა ივნისის შუა რიცხვებამდე აქვს. დემონტაჟის შედეგად ბიუჯეტში 17 000-მდე ლარი შევა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.