საბურთალოს რაიონში, ფანასკერტელის ქუჩაზე სარეაბილიტაციო სამუშაოები მიმდინარეობს.
ინფრასტრუქტურული პროექტის ფარგლებში, მოეწყობა საფეხმავლო ბილიკი და ჯამში, 15 000 კვ. მ ფართობზე ასფალტის ახალი საფარი დაიგება. ამ დროისთვის, ქუჩის ნაწილზე უკვე დაიგო ასფალტის საფარის ქვედა ფენა.
სარეაბილიტაციო სამუშაოებს საბურთალოს რაიონის გამგებელი გაიოზ ვასაძე გაეცნო.
„ეს ერთ-ერთი დატვირთული ქუჩაა ავტომობილების გადაადგილების კუთხით, რომელიც დაზიანებული იყო. სწორედ ამიტომ ძალიან მნიშვნელოვანია ფანასკერტელის ქუჩის მოწესრიგება. უახლოეს მომავალში, აღნიშნულ ტერიტორიაზე ადგილობრივი მოსახლეობისთვის და ტრანსპორტისთვის გადაადგილება კომფორტული გახდება“, - განაცხადა გაიოზ ვასაძემ.
პროექტის განსახორციელებლად საბურთალოს გამგეობის ბიუჯეტიდან 350 000 ლარია გამოყოფილი. სამუშაოებს კი, კომპანია „ლ. ენდ ლ“ ასრულებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.