13 ივნისიდან, ყოველ შაბათ-კვირას „ტელესკოლა” მოსწავლეებს ახალ შესაძლებლობებს სთავაზობს. საქართველოს განათლების მეცნიერების, კულტურისა და სპორტის სამინისტროსა და ბრიტანეთის საბჭოს მხარდაჭერით, ხუთი კვირის განმავლობაში, „ტელესკოლაში“ ბიბისის ინგლისური ენის შემსწავლელი პროგრამა „ყურმოკრული ამბები“ (Word on the Street) გავა. პროგრამა, რომელიც წარმატებით გადაიცემოდა და გადაიცემა ჰონკონგში, მონტენეგროში, სერბეთში, თურქეთსა და ა.შ. ქვეყნებში, ქართველს მოსწავლეებს ზაფხულის პერიოდის ეფექტურად გამოიყენებს და ინგლისური ენის ცოდნის გაუმჯობესებაში დაეხმარება.
სერიალის ფორმატის გაკვეთილები სახალისოდ მოთხრობილი ეპიზოდებისგან შედგება და თანამედროვე ბრიტანულით, მოსწავლეებს ლექსიკის გამდიდრებასა და გრამატიკის უკეთ ათვისებაში ეხმარება.
ვიდეო გაკვეთილების უნიკალურობა იმაშიც მდგომარეობს, რომ თითოეულ გაკვეთილს ახლავს დამატებითი ონლაინ სავარჯიშოები, პასუხებით და თითოეული ვიდეოს სცენარით ( აღნიშნულის ნახვა შესაძლებელია ბრიტანეთის საბჭოს ონლაინ რესურსების გვერდზე შესაბამის განყოფილებაში http://learnenglish.britishcouncil.org/en/word-street )
აღნიშნული სერიებისთვის ექსპერტი რობ ლუისი ამზადებს ვიდეო მიმართვებს, სადაც დამატებით განმარტებებსა და მითითებებს აძლევს პროგრამის მაყურებლებსა და მოსწავლეებს.
განათლების, მეცნიერების, კულტურისა და სპორტის სამინისტროსა და ბრიტანეთის საბჭოს ერთობლივი თანამშრომლობის მიზანია ახალ რეალობას ახალი შესაძლებლობებით და წარმატებული თანამშრომლობით უპასუხონ.
საქართველოს განათლების, მეცნიერების, კულტურისა და სპორტის სამინისტროსა და ბრიტანეთის საბჭოს მრავალწლიანი და მრავალმხრივი წარმატებული თანამშრომლობა აკავშირებს, რაც პანდემიის პირობებში კიდევ უფრო გაღრმავდა. საქართველო ერთ-ერთი პირველი იყო იმ ქვეყნებს შორის, რომელსაც უამრავი საინტერესო რესურსი მიეწოდა მასწავლებლებისთვის და განათლების სფეროს წარმომადგენლებისთვის - ყოველკვირეული ვებინარები, უფასო პუბლიკაციები და ონლაინ ტრენინგების ფართო არჩევანი ხელმისაწვდომი გახდა ყველა იმ პედაგოგისთვის, ვინც ინგლისურ ენას ასწავლის და ვისაც ახალ საჭიროებებზე მორგებული პროფესიულ განვითარება და სასწავლო პროცესის ონლაინ გარემოში უმტკივნეულოდ და წარმატებით გადატანა სურს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.