ნაძალადევის რაიონში, ლოტკინის დასახლებაში სანიაღვრე ქსელის მოწყობა ბოლო ეტაპზეა. პროექტის ფარგლებში, 530 გრძივ მეტრზე 400 და 500 მმ-იანი სანიაღვრე მილები მოეწყო, ასევე, 44 ჭა და ცხაური მონტაჟდება.
ინფრასტრუქტურული სამუშაოები ნოსტეს ქუჩაზე, კეკელიძის I გასასვლელსა და კახიანის III შესახვევში მიმდინარეობს. აღნიშნული ქსელი ურიდიას ქუჩის სანიაღვრე კოლექტორზე დაერთდება.
მიმდინარე სამუშაოებს ნაძალადევის რაიონის გამგებელი ირაკლი ხელაძე გაეცნო.
„ნოსტეს ქუჩაზე ძალიან ცუდი მდგომარეობა გვქონდა. გზის რეაბილიტაცია ვერ განხორციელდებოდა მიმდებარე ქუჩებზე სანიაღვრე სისტემის მოწყობის გარეშე. აღნიშნულ ქსელზე მუშაობის დასრულების შემდეგ, კომპანია GWP-მ უნდა შეცვალოს წყალსადენისა და წყალარინების მოძველებული სისტემა. ბოლო ეტაპი კი ახალი გზის მოწყობა იქნება, რასაც ნაძალადევის რაიონის გამგეობა უზრუნველყოფს“, - განაცხადა ირაკლი ხელაძემ.
ლოტკინის დასახლებაში სანიაღვრე ქსელის მოწყობისთვის ნაძალადევის რაიონის გამგეობამ ბიუჯეტიდან 191 110 ლარი გამოყო.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.