დიდუბის რაიონში, N2 საჯარო ბაგა-ბაღის შენობას რეაბილიტაცია-რეკონსტრუქცია უტარდება. უზნაძის ქუჩის N13-ში არსებული შენობა კიდევ ერთი კულტურული მემკვიდრეობის ძეგლია, რომელშიც საბავშვო ბაღი ფუნქციონირებდა და რომლის რეაბილიტაციაც თბილისის ბაგა-ბაღების მართვის სააგენტომ გასულ წელს დაიწყო.
პროექტის მიმდინარეობას დღეს სააგენტოს ხელმძღვანელი კახაბერ გვანცელაძე გაეცნო.
„ურთულეს პროექტს ვახორციელებთ, რაც ისტორიული შენობის იმგვარ განახლებას გულისხმობს, რომ მისი ავთენტურობა არ დაირღვეს. უკვე გამაგრდა ნაგებობის საძირკველი და მიმდინარეობს ახალი ფლიგელის მშენებლობა, რაც ბაღში აღსაზრდელთა რაოდენობას მნიშვნელოვნად გაზრდის. მშენებლობის დასრულების შემდეგ კი შიდა სამუშაოები დაიწყება“, - განაცხადა კახაბერ გვანცელაძემ.
ახალი ბაღი ათჯგუფიანი იქნება და 300-მდე აღსაზრდელს მიიღებს. საბავშვო ბაღის შენობა სკოლამდელი განათლებისთვის კანონმდებლობით დადგენილ უსაფრთხოებისა და ყველა სხვა საერთაშორისო სტანდარტს დააკმაყოფილებს.
ალტერნატიულ ფართში გადასული ბაღის კონტინგენტი განახლებულ შენობაში მომავალ წელს დაბრუნდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.