საქართველოს განათლების, მეცნიერების, კულტურისა და სპორტის სამინისტროს მხარდაჭერითა და მწერალთა სახლის ორგანიზებით, 30 ივნისიდან 3 ივლისის ჩათვლით, რიგით მე-10 ყოველწლიური ლიტერატურული ფორუმ-დიალოგი გაიმართება. კორონავირუსის პანდემიის გამო, ფორუმი წელს განსხვავებულ ფორმატში, ონლაინ რეჟიმში ჩატარდება და მასში მონაწილეობას უცხოელი გამომცემლები და ლიტერატურული აგენტები მიიღებენ.
ფორუმის ფარგლებში არაერთი საინტერესო აქტივობაა დაგეგმილი, მათ შორის: ქართული საგამომცემლო სექტორის წარდგენა და სამომავლო თანამშრომლობის მიზნით, ქართველი და უცხოელი გამომცემლების დაკავშირება; უცხოელი გამომცემლებისა და ექსპერტების მიერ საზღვარგარეთ ქართული ლიტერატურის მიღწევების, პერსპექტივებისა და გამოწვევების მიმოხილვა; საბავშვო ლიტერატურის პრეზენტაცია ქართველი ილუსტრატორებისა და უცხოელი კურატორების ჩართულობით; მწერალთა სახლის სტრატეგიისა და სახელმწიფო სუბსიდიების პროგრამის წარდგენა; ლიტერატურულ-კულინარიული მასტერკლასები და სხვა.
ლიტერატურული ფორუმ-დიალოგის მთავარი მიზანი ქართული ლიტერატურის საზღვარგარეთ პოპულარიზაცია, მისი თარგმნის პროცესის ხელშეწყობა და ამ გზით ქართული საგამომცემლო სფეროს განვითარებაა. 2011-2019 წლებში ფორუმმა სხვადასხვა ქვეყნიდან საგამომცემლო სფეროს 140-ზე მეტ უცხოელ წარმომადგენელს უმასპინძლა.
პროექტს საქართველოს განათლების, მეცნიერების, კულტურისა და სპორტის სამინისტროსა და ფრანკფურტის წიგნის ბაზრობის მხარდაჭერით, მწერალთა სახლი ახორციელებს.
ლიტერატურული ფორუმ-დიალოგის პროგრამა იხილეთ ბმულზე: http://writershouse.ge/geo/new/1489
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.