თელავი-გომბორის საავტომობილო გზის შუამთის მონაკვეთზე ავტოსაგზაო შემთხვევა მოხდა. ერთმანეთს „ნისანის“ მარკის მსუბუქი მანქანა და „ფორდის“ მარკის სატვირთო შეეჯახა. შემთხვევის შედეგად სამი ადამიანი დაშავდა.
არსებული ინფორმაციით, შეჯახება იმდენად ძლიერი იყო, რომ სატვირთო მანქანა ამოტრიალდა.
დაშავებულები შუახნის მამაკაცები არიან, რომლებიც რეფერალურ საავადმყოფოში გადაიყვანეს.
ავარიის შედეგად რამდენიმე წუთის განმავლობაში საავტომობილო გზაზე გადაადგილება შეფერხდა, თუმცა ამ დროისთვის გომბორის უღელტეხილის მიმართულებით მოძრაობა თავისუფალია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.