სახელმწიფოს მხარდაჭერით რუსთავში, ახალი საწარმო შენდება, რომელიც 4 თვეში გაიხსნება და 3000 სამუშაო ადგილს შექმნის.
საწარმო „ქართლი ტექსტილის" მშენებლობის მთლიანი ინვესტიციის, 20 მლნ ლარის ნახევარი სააგენტოს „აწარმოე საქართველოში" მხარდაჭერით მიღებული შეღავათიანი სესხია. ასევე პროგრამის ფარგლებში საწარმოს გადაეცა უძრავი ქონება.
ახალ საწარმოს „აჭარა ტექსტილი" აშენებს, რომელსაც უკვე აქვს 3 სამკერვალო ფაბრიკა ბათუმსა, ფოთში და ქობულეთში და დასაქმებული ჰყავს 3500 ადამიანი.
კომპანია თანამშრომლობს ისეთ წამყვან საერთაშორისო კომპანიებთან, როგორებიცაა: Nike, ADIDAS, Puma, Lotto, Erima ხოლო, ახლო მომავალში დამკვეთი კომპანიების რიცხვს შეემატება "New Balance" და "Under Armour".
კომპანია 100%-ით ექსპორტზეა ორიენტირებულია, წლიურად 15 000 000-ზე მეტი ერთეული პროდუქციის წარმოებას და ექსპორტს ახორციელებს.
პროგრამის „აწარმოე საქართველოში" ინდუსტრიული მიმართულების სტატისტიკა : მხარდაჭერილია 363 პროექტი, რომელთა ჯამური ინვესტიციის მოცულობა შეადგენს 796,1 მლნ ლარს, საიდანაც კომერციული ბანკების მიერ დამტკიცებული სესხების მოცულობა 508 მლნ ლარს აღწევს. სულ შეიქმნება 16 050-ზე მეტი ახალი სამუშაო ადგილი.
ინფორმაციას მთავრობის ადმინისტრაციის პრესსსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.