„სრული პასუხისმგებლობით ვაცხადებ, რომ დღეს საქართველოში მედია გარემო არის ერთ-ერთი საუკეთესო ევროპაში, ერთ-ერთი თავისუფალი იმ თვალსაზრისით, რომ საკანონმდებლო ველი, საკანონმდებლო სივრცე, ბარიერები და რეგულაციები პრაქტიკულად არ არსებობს, სრულად დელეგურილებულია,“ - აღნიშნული განცხადება კომუნიკაციების კომისიის თავმჯდომარემ ტელეკომპანია იმედის ღია ეთერში განაცხადა.
კახა ბექაურის თქმით, დღეს საქართველოში მაუწყებლობის დაწყება ნებისმიერ მსურველს მარტივი ავტორიზაციით მხოლოდ 10 დღეში, ყოველგვარი ბარიერების გარეშე შეუძლია.
„დღეს მედიასთან დაკავშირებით არ არსებობს არანაირი რეგულაცია, რომელიც სარედაქციო პოლიტიკასთან, ან შინაარსთან არის დაკავშირებული, არ არსებობს ბარიერი, რომელიც ტელევიზიის გახსნასთან ხელს შეუშლის. ალბათ ნებისმიერ მაყურებელს მარტივი რეგისტრაცია გაუვლია ვებ-გვერდზე, როცა მეილს ავსებთ, სახელს და გვარს უთითებთ და რამდენიმე წამში მოგდით მეილი, რომ დარეგისტრირებული ხართ - დაახლოებით ამ სიმარტივის პროცედურაა მაუწყებლობის ავტორიზაცია. ნებისმიერმა ფიზიკურმა ან იურიდიულმა პირმა რომ მოინდომოს ხვალ ტელევიზიის გახსნა, კომუნიკაციების კომისიაში შემოიტანს განცხადებას და 10 დღის გადაში ის ავტორიზაციას გაივლის და მაუწყებლობას დაიწყებს. ეს არც-ერთ ევროპულ ქვეყანაში ასე არაა. 100-ზე მეტი მაუწყებელი გვყავს დღეს საქართველიში, სრულიად პლურალისტური მედია სივრცე გვაქვს, ყველანაირი ინფორმაცია ისმის და რა თქმა უნდა ტყუილსაც იპოვის ჩვენი მაყურებელი, თუ ტყუილის პოვნა უნდა და სიმართლესაც, თუ სიმართლის პოვნა უნდა“, - აცხადებს კახა ბექაური.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.