ნონა გაფრინდაშვილის სახელობის ჭადრაკის სასახლეში ქალთა შორის საქართველოს 77-ე საჭადრაკო ჩემპიონატი ოფიციალურად გაიხსნა. ჩემპიონატში ქვეყნის თითქმის ყველა წამყვანი მოჭადრაკე იღებს მონაწილეობას.
გახსნის ცერემონიას განათლების, მეცნიერების, კულტურისა და სპორტის მინისტრის მოადგილე შალვა გოგოლაძე, ევროპის საჭადრაკო კავშირის პრეზიდენტი ზურაბ აზმაიფარაშვილი და საქართველოს ჭადრაკის ფედერაციის პრეზიდენტი გია გიორგაძე მოქმედ და ვეტერან მოჭადრაკეებთან ერთად დაესწრნენ.
ჩემპიონატის გახსნის პარალელურად, ვერის ბაღში ჭადრაკის საერთაშორისო დღე აღინიშნა. ასევე გაიმართა წიგნის „წარმატება წლიდან წლამდე“ (ავტორები: გია გიორგაძე, დავით გურგენიძე, ელენე ბილიხოძე, სოფო ნიკოლაძე) პრეზენტაცია. წიგნში თავმოყრილია ქართული ჭადრაკის წარმატებები 2008 წლიდან 2019 წლამდე.
საჭადრაკო ჩემპიონატის მხარდამჭერია განათლების, მეცნიერების, კულტურისა და სპორტის სამინისტრო. ჩემპიონატი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს მიერ დადგენილი რეგულაციების სრული დაცვით ტარდება. სათამაშო დარბაზში შესვლამდე მონაწილეებს უტარდებათ თერმოსკრინინგი. სათამაშო სივრცეში მოთამაშეების გარდა მხოლოდ მსაჯების ყოფნაა დაშვებული. დარბაზი რეგულარულად და ეფექტურად ნიავდება. საქართველოს პირველობა 30 ივლისს დასრულდება.
ინფორმაციას განათლების, მეცნიერების, კულტურისა და სპორტის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.