ვაზისუბანში, აშოტ კურაპალატის ქუჩაზე, შემოდგომაზე ახალი საბავშვო ბაღის მშენებლობა დაიწყება.
9-ჯგუფიანი ბაღის მშენებლობა მომავალ წელს დასრულდება და ის 250-მდე აღსაზრდელს მიიღებს. შენობა ადაპტირებული იქნება შშმ პირთათვის და გათვალისწინებული იქნება ბავშვთა უსაფრთხოების საერთაშორისო სტანდარტები.
თბილისის საბავშვო ბაგა-ბაღების მართვის სააგენტოს ხელმძღვანელმა, კახაბერ გვანცელაძემ ისნის გამგებელ კახა ლაბუჩიძესა და რაიონის მაჟორიტარ დეპუტატებთან ერთად, საპროექტო ტერიტორია დაათვალიერა და მათ პროექტის დეტალები გააცნო.
კახაბერ გვანცელაძის განცხადებით, უკვე გამოვლენილია კომპანია, რომელიც აშოტ კურაპალატის ქუჩაზე რამდენიმე თვეში სამშენებლო სამუშაოებს დაიწყებს.
„მიუხედავად იმისა, რომ ისნის რაიონში საკმაოდ ბევრი საბავშვო ბაღი გვაქვს, სკოლამდელი აღზრდის დაწესებულებებზე მოთხოვნა მაინც ძალიან დიდია. სკოლამდელი განათლების ხელმისაწვდომობის ზრდა პირდაპირ კავშირშია ინფრასტრუქტურის განვითარებასა და ახალი ბაღების მშენებლობასთან. სწორედ ამიტომ, ახალი ბაღების მშენებლობის პროცესს აქტიურად განვაგრძობთ“, - განაცხადა კახაბერ გვანცელაძემ.
მშენებლობას ტენდერში გამარჯვებული კომპანია „ორნამენტი“ განახორციელებს. პროექტის ღირებულება 2 235 867 ლარია.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.