თბილისის მერიის გარემოს დაცვის საქალაქო სამსახურმა ვარკეთილში, ალექსიძის ქუჩაზე, 8 100 კვადრატულ მეტრ ფართობზე არსებული სკვერის სარეაბილიტაციო სამუშაოები დაიწყო.
ამ ეტაპზე, სკვერის დემონტაჟის ძირითადი სამუშაოები დასრულებულია. პროექტის მიმდინარეობას თბილისის მერის მოადგილე, მაია ბითაძე გარემოს დაცვის საქალაქო სამსახურის უფროს გიგა გიგაშვილთან ერთად გაეცნო.
„ვარკეთილს წლის ბოლოს კიდევ ერთი განახლებული სკვერი შეემატება. ეს არის დაახლოებით, ერთ ჰექტრამდე ტერიტორია, რომელიც მთლიანად მოწესრიგდება. ტერიტორიაზე საფეხმავლო, ველობილიკები და შადრევანი მოეწყობა. განახლდება გამწვანება და დაახლოებით, 1 000-მდე ძირი ხე-მცენარე დაირგვება. ვფიქრობ, რომ ამ უბანს კიდევ ერთი ძალიან კარგი რეკრეაციული სივრცე ექნება, რომელიც ყველა იმ საშუალებით აღიჭურვება, რაც მოქალაქეებს დასვენებისა და გართობის საშუალებას მისცემს“, - განაცხადა მაია ბითაძემ.
რეაბილიტაციის ფარგლებში, საფეხმავლო და ველობილიკებთან ერთად, საბავშვო და სპორტული მოედნები, განათების, სარწყავი და ვიდეომეთვალყურეობის სისტემები მოეწყობა. ტერიტორიაზე განთავსდება სკამები და ურნებიც.
გარდა ამისა, სკვერის ტერიტორიაზე დაირგვება სხავდასხვა სახეობის მწვანე ნარგავი და დაიგება ბალახის საფარი. ასევე, მოეწყობა შადრევანი და წყარო.
ადგილზე თბილისის მერის მოადგილესთან ერთად, სამგორის რაიონის გამგებელი კახა სამხარაძე იმყოფებოდა.
ინფორმაციას თბილისის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.