<!-- wp:paragraph -->
დედაქალაქის მერიის ორგანიზებით, პროექტის - „თბილისის ცის ქვეშ“ ფარგლებში, „მზიურის“ განახლებულ პარკში Mziuri Fest მოეწყო, რომლის სცენაც მუსიკალურ ბენდებს დაეთმო.
<!-- /wp:paragraph --> <!-- wp:paragraph -->
ორდღიან ფესტივალზე მსმენელის წინაშე ჯგუფები: LOUDSPEAKERS, MOKUMOKU, „არა“, Bedford Falls, KILLAGES, ON THE ROAD, PITTER J და ერეკლე დეისაძე წარდგნენ.
<!-- /wp:paragraph --> <!-- wp:paragraph -->
მუსიკალური ღონისძიებები ასევე, დედაქალაქის სხვადასხვა განახლებულ სარეკრეაციო სივრცეში გაიმართა. გოძიაშვილის სახელობის ბაღში ეთნო და ჯაზის მოყვარულები შეიკრიბნენ, ხოლო ვეტერანთა კულტურისა და დასვენების პარკში ქართული ესტრადის წარმომადგენლების კონცერტები ჩატარდა.
<!-- /wp:paragraph --> <!-- wp:paragraph -->
მუსიკალურ საღამოებს დედაქალაქის მერის მოადგილე ანდრია ბასილაია დაესწრო და აღნიშნა, რომ მსგავსი ღონისძიებების ჩატარება კულტურის სფეროს მხარდაჭერას და მოქალაქეთა განწყობის ამაღლებას ემსახურება.
<!-- /wp:paragraph --> <!-- wp:paragraph -->
„თბილისის ცის ქვეშ“ უკვე არაერთი საღამო გაიმართა და უნდა აღინიშნოს, რომ განახლებული „მზიური“ ამ ტიპის საფესტივალო ღონისძიებას განსაკუთრებით მოუხდა. ორი დღის განმავლობაში, აქ თანამედროვე მუსიკის მოყვარული უამრავი ახალგაზრდა შეიკრიბა. პროექტი უკვე სექტემბრიდან გაგრძელდება და დედაქალაქის მასშტაბით, კიდევ უფრო მეტ ლოკაციაზე შევხვდებით“, - განაცხადა ანდრია ბასილაიამ.
<!-- /wp:paragraph --> <!-- wp:paragraph -->
პროექტი „თბილისის ცის ქვეშ“ თბილისის მერიამ 2018 წელს დაიწყო. იგი ღია სივრცეებსა და განახლებულ პარკებში კულტურულ ღონისძიებებს მოიცავს, რომელზეც დასწრება თავისუფალია.
<!-- /wp:paragraph --> <!-- wp:paragraph -->
დღეს, 20:00 საათზე, წყნეთის ამფითეატრში, თბილისის მერიის მხარდაჭერით განხორციელებული კიდევ ერთი პროექტი - „გაითავისე ცა და ისუნთქე...“ დასრულდება, რომელიც გია ყანჩელის 85 წლის იუბილეს მიეძღვნება.
<!-- /wp:paragraph --> <!-- wp:paragraph -->
კონცერტში მონაწილეობას ნიკოლოზ რაჭველი, გიორგი ცაგარელი, ნატო მეტონიძე, ლიზა ბაგრატიონი და ეროვნული სიმფორნიური ორკესტრის მუსიკოსები მიიღებენ.
<!-- /wp:paragraph -->
ინფორმაციას თბილისის მერია ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.