საქართველოში კორონავირუსით ინფიცირებული ორი პირის პირველწყაროს დადგენა ჯერ ვერ მოხერხდა.
ჯანდაცვის მინისტრის მოადგილის, თამარ გაბუნიას განცხადებით, კორონავირუსით ინფიცირების მომატებული შემთხვევების ფონზე, აუცილებელია, რომ მოსახლეობამ დაწესებული შეზღუდვები პირნათლად დაიცვას.
„24 საათის განმავლობაში დაფიქსირდა 25 ახალი შემთხვევა. კარგია, რომ შემთხვევების უმრავლესობა არის გამოკვლეული და ცნობილი წყაროდან, თუმცა რჩება ორი ინფიცირებული, რომლის წყაროზეც ჯერ ეპიდკვლევა მიმდინარეობს. როგორც ვხედავთ, ბოლო პერიოდის განმავლობაში სიტუაცია მერყევია. ამგვარი ეპიზოდური მატების მაჩვენებელი ცალსახად მიუთუთებს იმას, რომ რისკი „კოვიდთან“ დაკავშირებით რჩება კვლავაც მაღალი. ამიტომ, მოდუნებისა და მაკონტროლებელი ღონისძიებების შერბილების საფუძველი ჯერ არ გვაქვს, რაც მიუთითებს იმას, რომ მაქსიმალურად უნდა შენარჩუნდეს ტესტირების აქტივობები და ასევე, ის დამატებითი ღონისძიებები, რაც ასეთ ცხელ კერებში გვიწევს, რომ გავატაროთ დამატებით ლოკალიზებული საკარანტინე ღონისძიებების სახით. როგორც ვხედავთ, მაინც არის შემთხვევების მატების ეპიზოდები, რაც მიუთითებს რისკების არსებობაზე, ამდენად ნიღბების ტარება, პირადი დაცვის საშუალებების გამოყენება და სხვა ღონისძიებები ისევე უნდა გავაგრძელოთ, როგორც აქამდე“, – განაცხადა გაბუნიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.