ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს კამპანია - „ერთი თვე სამინისტროსთან ერთად“ გრძელდება.
კამპანიის ფარგლებში , დასაქმების ხელშეწყობის სახელმწიფო სააგენტოს საქმიანობის ანგარიშის პრეზენტაცია გაიმართა. ღონისძიება ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, ეკატერინე ტიკარაძემ გახსნა. შეხვედრაზე დასაქმების ხელშეწყობის მიმართულებით ქვეყანაში განხორციელებული აქტივობები შეჯამდა . ასევე , საუბარი შეეხო სააგენტოს მიერ , პანდემიის პერიოდში განხორციელებულ სერვისებსაც, რაც კომპენსაციების გაცემის სრულ ადმინისტრირებას მოიცავს. "დღესდღეობით, საქართველოში გვაქვს მნიშვნელოვანი კანონი, რომელიც ხელს შეუწყობს ჩვენს მიერ ახლად დაარსებული სააგენტოს ეფექტურობას.
სააგენტო კი, თავის მხრივ, გაატარებს ყველა საჭირო ღონისძიებას. ამით ჩვენ შევძლებთ, რომ გავლენა მოვახდენოთ, საქართველოში არსებულ დღევანდელ უმუშევრობის პროცენტზე "-განაცხადა ეკატერინე ტიკარაძემ. გარდა ამისა, სააგენტოს , შრომის ბაზრის მართვის საინფორმაციო სისტემის განახლება და განვითარება აქვს დაგეგმილი.
ღონისძიება ევროკავშირის პროექტის „ტექნიკური მხარდაჭერა შრომის ბაზრის საჭიროებებსა და დასაქმებაზე მორგებული ცოდნა-უნარების განვითარებისთვის“ მხარდაჭერით გაიმართა. ღონისძიებას, მინისტრის მოადგილე თამარ ბარკალაია, „ დასაქმების ხელშეწყობის სააგენტოს“ დირექტორის მოადგილის მოვალეობის შემსრულებელი ნინო ველთაური, სამთავრობო და არასამთავრობო ორგანიზაციების წარმომადგენლები, დამსაქმებლები და პარტნიორი ორგანიზაციები ესწრებოდნენ.
ინფორმაციას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.