სტიქიის შედეგად დაზიანებული გზების აღდგენას 40 მილიონი ლარი მოხმარდება, - ინფორმაციას გზების დეპარტამენტი ავრცელებს.
„2020 წლის 28-29 ივლისს მოსული ძლიერი წვიმების შედეგად, ადიდებულმა მდინარე რიონმა დააზიანა და ჩაწყვიტა ცენტრალური, შიდასახელმწიფოებრივი მნიშვნელობის ქუთაისი (ჭომა)-ალპანა-მამისონის უღელტეხილის საავტომობილო გზის ნაკიეთი-შოვის მონაკვეთზე მიწის ცალკეული სექციები და შიდასახელმწიფოებრივი მნიშვნელობის საგლოლო-ჭიორა-ღების საავტომობილო გზისა და ადგილობრივი მნიშვნელობის გზების ცალკეული მონაკვეთები, რის გამოც მუნიციპალიტეტის 12 სოფელთან შეწყდა საავტომობილო კომუნიკაცია.
სტიქიის სალიკვიდაციო ინტენსიური სამუშაოების შედეგად, შემოვლით გზებსა და მდინარეებზე დროებითი სახიდე გადასასვლელების მოწყობით, დაგეგმილ ვადაზე ადრე, მაღალი გამავლობის მანქანებისთვის მიმოსვლა ყველა სოფელთან აღდგენილია, თუმცა აუცილებელია გზების კაპიტალური აღდგენითი სამუშაოების ჩატარება“, – აღნიშნულია საავტომობილო გზების დეპარტამენტის ინფორმაციაში.
მათივე ცნობით, აღდგენითი სამუშაოების დროულად განხორციელების მიზნით, საავტომობილო გზების დეპარტამენტს, საქართველოს მთავრობის განკარგულებით, მიეცა უფლება სტიქიის შედეგების სალიკვიდაციო, აღდგენითი სამუშაოები და მათთან დაკავშირებული საპროექტო და საზედამხედველო მომსახურებები შეისყიდოს შემჭიდროებული ვადების ტენდერების, ხოლო განსაკუთრებულ შემთხვევებში – გამარტივებული შესყიდვის საშუალებით.
„აღდგენითი სამუშაოები ჩატარდება ორ ეტაპად. პირველ ეტაპზე განხორციელდება სტიქიის შედეგად დაზიანებულ მონაკვეთებზე ავტოტრანსპორტის განვლადობის უზრუნველსაყოფად დროებითი ღონისძიებები და გადაუდებელი ნაპირსამაგრი სამუშაოები, ხოლო შემდგომ ეტაპზე – სტიქიის შედეგად დაზიანებულ მონაკვეთებზე აღდგენითი სამუშაოები. სამუშაოები სრულად 2021 წლის გაზაფხულზე დასრულდება“, – აღნიშნავენ გზების დეპარტამენტში.
მათივე ცნობით, რაჭაში სტიქიის შედეგად დაზიანებული გზების აღდგენა სახელმწიფო ბიუჯეტიდან დაახლოებით 40 მილიონი ლარით დაფინანსდება. დაფინანსების ნაწილი სახელმწიფო ბიუჯეტიდან უკვე გამოიყო, ხოლო დარჩენილი ნაწილი 2021 წელს გამოიყოფა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.