(GUARDIAN.GE) - ჩრდილოეთ კორეამ იაპონიის ზღვაში ორი ბალისტიკური რაკეტა გაუშვა, იტყობინება BBC შეერთებულ შტატებსა და იაპონიაზე დაყრდნობით. იაპონიამ და სამხრეთ კორეამ დაგმეს რაკეტების გამოცდა.
რამდენიმე დღის წინ კი გავრცელდა ინფორმაცია, რომ ფხენიანმა ყვითელ ზღვაში არაბალისტიკური რაკეტები გამოსცადა.
იაპონიის ოფიციალური პირების ცნობით, ჩრდილოეთ კორეამ ორი ბალისტიკური რაკეტა სამშაბათს, ადგილობრივი დროით 07:00 საათის შემდეგ გაუშვა. მათ 420 და 430 კილომეტრი იფრინეს, სანამ იაპონიის ექსკლუზიური ეკონომიკური ზონის მიღმა წყლებში დაეშვებოდნენ. იაპონიამ განაცხადა, რომ თავის ტეიტორიულ წყლებში ნამსხვრევები არ ყოფილა ნაპოვნი.
გაერთიანებული ერების ორგანიზაციის უშიშროების საბჭოს რეზოლუციებით, ფხენიანს ბალისტიკური რაკეტების გამოცდა ეკრძალება, თუმცა ჩრდილოეთ კორეას არაერთხელ აქვს დარღვეული ეს რეზოლუციები. ქვეყნის ლიდერის, კიმ ჩენ ინის გადაწყვეტილებით, ფხენიანმა ბალისტიკური რაკეტები 1 წლის წინაც გამოსცადა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.