2021 წლის რაგბი ევროპის ჩემპიონატის მეოთხე მატჩი, რომელიც თბილისში, „მიხეილ მესხის სტადიონზე“ სულ ახლახან დამთავრდა, რუმინეთის ეროვნული სარაგბო ნაკრების წინააღმდეგ „ბორჯღალოსნებმა“ გამარჯვებით დაასრულეს - საქართველო 28-17 რუმინეთი.
შეხვედრის პირველი ნახევარიც ქართველების გამარჯვებით, ანგარიშით 13-7 დასრულდა.
„ბორჯღალოსნებმა“ პირველი საჯარიმო ლელო მე-9 წუთზე დადეს (ვიდეო დაბლა).
თამაშის მე-18 წუთზე, თედო აბჟანდაძის ჯარიმის შემდეგ ანგარიში 10-0 გახდა. რამდენიმე წუთში, რუმინელებმა ლელოს გატანა და გარდასახვის ზუსტად შესრულება შეძლეს და ანგარიში 10:7 გახდა. შეხვედრის პირველი ნახევრის დასასრულს, გვიანი ბოჭვისთვის გაიცა სანქცია, აბჟანდაძემ შანსი არ გაუშვა და პირველი ნახევარი ანგარიშით 13-7 დასრულდა.
თამაშის მეორე ნახევარში პირველი ლელო ბექა გიგაშვილმა დადო, გარდასახვაც წარმატებით შესრულდა და ანგარიში 20:10 გახდა. (ბექა გიგაშვილის ლელოს და ბექა საღინაძის გარღვევის ვიდეო დაბლა)
მალე, რუმინელებმა ლელოს დადება და გარდასახვის ზუსტად შესრულება მოახერხეს და ახალი ანგარიში 20:17 დაფიქსირდა.
თამაშის 69-ე წუთზე აკა ტაბუცაძემ შესანიშნავი ლელო დადო (ვიდეო დაბლა) და ანგარიში 25:17 გახდა, გიორგი ბაბუნაშვილის გარდასახვა კი, არაზუსტი აღმოჩნდა.
მატჩის მიწურულს ბაბუნაშვილის არეკნმა (ვიდეო დაბლა) საბოლოო ანგარიში – 28:17 დააფიქსირა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.