GUARDIAN.GE - ამერიკის შეერთებული შტატების პრეზიდენტმა, ჯოზეფ ბაიდენმა მტკიცედ დაიცვა თავისი გადაწყვეტილება აშშ-ის ჯარების ავღანეთიდან გაყვანის თაობაზე - რამაც თალიბანის მებროლების ძალაუფლებაში სწრაფი დაბრუნება განაპირობა - და ავღანეთში ამერიკის 20-წლიანი ყოფნის დასრულების შემდეგ ერისადმი მიმართვაში განაცხადა, რომ უფრო ხანგრძლივად დარჩენა არჩევანს არ წარმოადგენდა.
მან შეაქო ჯარი თალიბანის რეჟიმისგან გაქცევის მსურველი 120 000-ზე მეტი ადამიანის საჰაერო გადაყვანის ორგანიზებისთვის და პირობა დადო, რომ განაგრძობს ძალისხმევებს იმ ამერიკელების გამოსაყვანად, რომლებიც ჯერ კიდევ ავღანეთში არიან და დაბრუნება სურთ - ასეთი კი სულ, დაახლოებით 200-ია.
„მე ამას სამუდამო ომად არ გადავაქცევდი და სამუდამოდ არ გავახანგრძლივებდი იქ ყოფნას. ავღანეთში ახლა ომი დასრულებულია“, - განაცხადა ბაიდენმა.
აშშ-ის მეთაურობით ჯარები ავღანეთში 2001 წელს შევიდა - 9 სექტემბრის გამანადგურებელი თავდასხმების კვალდაკვალ - და თალიბანის ხელისუფლება დაამხო.
ავღანეთიდან ჯარების გამოყვანის გამო, რასაც აშშ-ის მიერ წლების განმავლობაში გაწვრთნილი და დაფინანსებული ავღანური უსაფრთხოების ძალების მოულოდნელი ჩამოშლა მოჰყვა, ბაიდენი ფართოდ გააკრიტიკის, როგორც შინ, ისე გარეთ, მისმა მოკავშირეებმა.
თალიბანის მებრძოლებმა 11 დღეში შეძლეს მთელ ქვეყანაზე კონტროლის დამყარება - ბოლოს კი, 15 აგვისტოს, დედაქალაქ ქაბულში შევიდნენ.
ბაიდენმა დაახლოებით 6 000 ჯარისკაცი განალაგა ქაბულის აეროპორტის ხელში ჩასაგდებად, რათა აშშ-ის და მისი მოკავშირე ქვეყნების მოქალაქეებისა და მათთვის მომუშავე ავღანელების ევაკუაციის კოორდინაცია მოეხდინა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.