დავით აღმაშენებლის სახელობის საქართველოს ეროვნული თავდაცის აკადემიაში მასშტაბური ინფრასტრუქტურული სამუშაოები ჩატარდა. დღეს საქართველოს თავდაცვის მინისტრი თავდაცვის ძალების მეთაურთან ერთად ეროვნული თავდაცვის აკადემიაში იმყოფებოდა და განახლებულ პირობებს გაეცნო. სტუმრებს ეროვნული თავდაცვის აკადემიის რექტორმა, ბრიგადის გენერალმა მამია ბალახაძემ უმასპინძლა. მათ მოინახულეს ბიბლიოთეკა, სპორტული კომპლექსი, ყაზარმები, რეკრეაციული ცენტრი, სასადილო და დეტალურად გაეცნენ როგორც სასწავლო, ისე საცხოვრებელ პირობებს.
აკადემიაში სრულად გარემონტდა საცხოვრებელი ყაზარმები, რომლებიც ახალი, თანამედროვე სტანდარტების ინვენტარით აღიჭურვა. კოვიდრეგულაციების გათვალისწინებით, ყაზარმებში შეიცვალა საცხოვრებელი ოთახების წყობაც. ოთახები ექვსის ნაცვლად მხოლოდ ორ პირზეა გათვლილი. ეროვნული თავდაცის აკადემიაში განახლდა და უახლესი ინვენტარით აღიჭურვა სპორტული დარბაზები. ასევე, გარემონტდა საცურაო აუზი და სასადილო.
იუნკერთა განათლების გაღრმავების მიზნით, ეროვნული თავდაცვის აკადემიაში ფიზიკისა და ქიმიის ახალი, ევროპული სტანდარტების მქონე ლაბორატორიები მოეწყო. განახლდა სიმულაციური სწავლების ცენტრიც.
დავით აღმაშენებლის სახელობის საქართველოს ეროვნული თავდაცვის აკადემიაში შეიქმნა პოლკოვნიკ ალექსანდრე ჩხეიძის სახელობის საგამოფენო სივრცე, სადაც აკადემიის დაარსებიდან დღემდე, სრული ისტორიაა ასახული. საგამოფენო სივრცეში განთავსებულია იუნკერთა სკოლის პერიოდის უნიკალური დოკუმენტები და ფოტოები, ისტორიული იარაღები და შინდისის გმირების სამხედრო აღჭურვილობა. მოეწყო პოლკოვნიკ ალექსანდრე ჩხეიძის სახელობის კაბინეტიც, სადაც მისი მემორიალური ნივთებია განთავსებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.