საგარეო საქმეთა მინისტრი მაია ფანჯიკიძე იმედოვნებს, რომ ოსური მედიით გავრცელებული ინფორმაცია, რომელიც ჟენევის მოლაპარაკებების თანათავმჯდომარეს ევროკავშირის მხრიდან ფილიპ ლეფორის განცხადებას ეხება სამხრეთ ოსეთის სტატუსთან დაკავშირებით, სიმართლეს არ შეესაბამება.
საგარეო უწყების ხელმძღვანელის განცხადებით, ამ საკითხს იგი ხვალ ლეფორთან დაგეგმილ შეხვედრაზე გაარკვევს.
"მინდა ყველას გასაგონად ვთქვა, რომ საქართველო არასოდეს შეეგუება თავისი ტერიტორიების დაკარგვას. არ ვიცი ფილიპ ლეფორის ეს განცხადება, რომელიც ოსური მედიით გავრცელდა, შეესაბამება თუ არა სიმართლეს. ხვალ 12:00 საათზე მაქვს მასთან შეხვედრა, იგი ჩამოდის საქართველში, რომ დაგვემშვიდობოს როგორც ევროკავშირის სპეციალური წარმომადგენელი ჟენევის საერთაშორისო მოლაპარაკებების ფორმატში. ხვალ დავუსვამ შეკითხვას იმასთან დაკავშირებით, შეესაბამება თუ არა ეს ინფორმაცია სიმართლეს, იმედი მაქვს, რომ ეს ასე არ არის" - განაცხადა მაია ფანჯიკიძემ.
როგორც ოსური მედია წერს, ფილიპ ლეფორმა, ცხინვალში ვიზიტისას აღნიშნა, რომ სამხრეთ ოსეთის როგორც დამოუკიდებელი სახელმწიფოს სტატუსი, რესპუბლიკის ხალხის მიერ დიდი ხანია განსაზღვრულია. "ამ პოზიციის შეცვლა პრაქტიკულად შეუძლებელია. ეს რეალობაა, რომელთან ერთად ცხოვრება და მუშაობა უნდა ვისწავლოთ"- აღნიშნა ლეფორმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.