კრწანისის ბრძოლისას დაიღუპა 6 850 ქართველი, კორონავირუსმა კი საქართველოს 10 000 მოქალაქე იმსხვერპლა. როცა ასეთ ვითარებაში, მთავრობა, რომლის სინდისზეცაა ათასობით ადამიანის გარდაცვალება, წინასაარჩევნოდ კოჭს უგორებს დაბნეულ თუ დაბნელებულ ათეულ ათასობით ანტივაქსერს, არის დანაშაული. პრემიერ-მინისტრის გუშინდელი განცხადებაც არის დანაშაული, - ამის შესახებ „ერთიანი ნაციონალური მოძრაობის“ დეპუტატი რომან გოცირიძე სოციალურ ქსელში წერს.
„ყველა შედარება შორეულ ისტორიულ მოვლენებთან, არის არარციონალური. ასეთი შედარებები მხოლოდ ემოციებს აღძრავს და მეტი არაფერი. თამარ მეფეს “კარავი” (პარლამენტის მსგავსი ორგანო), რომ დაეშვა, თურმე დღეს უფრო წინ ვიქნებოდით დემოკრატიის კუთხით. გვსმენია, ხომ ასეთი და სხვა მსგავსი არასერიოზულ მოსაზრებები?
ასეთივე არაფრისმთქმელი შედარებაა, რასაც ახლა ვიტყვი, მაგრამ ემოციურად მაინც ხომ არის დამაფიქრებელი? კრწანისის ბრძოლისას, აღა-მაჰმად ხანის ქართლ-კახეთში ლაშქრობის დროს, დაიღუპა 6 850 ქართველი, კორონავირუსმა კი 10 000 საქართველოს მოქალაქე იმსხვერპლა. რამდენი ათასი მოკვდება მომავალ თვეებში, არაა ძნელი გამოსათვლელი.
როცა ასეთ ვითარებაში, მთავრობა, რომლის სინდისზეცაა ათასობით ადამიანის გარდაცვალება, წინასაარჩევნოდ კოჭს უგორებს დაბნეულ თუ დაბნელებულ ათეულ ათასობით ანტივაქსერს, არის დანაშაული. პრემიერ-მინისტრის გუშინდელი განცხადებაც არის დანაშაული. არა იმიტომ, რომ უარს ამბობს ევროპის უმეტეს ქვეყანაში დამკვიდრებულ პრაქტიკაზე, როცა ზოგიერთი პროფესიის ადამიანის (ექიმები, მასწავლებლები და ა. შ.) აცრა არის სავალდებულო, არამედ იმიტომ, რომ ეს მესიჯი პირდაპირ იყო „ხმოსანი“ ანტივაქსერბის მისამართით გაგზავნილი.
სიბნელე კლავს, ისევე როგორც კლავს ცუდი მთავრობაც“,- წერს გოცირიძე.
საქართველოს პრემიერ-მინისტრმა, ირაკლი ღარიბაშვილმა კვირას ჟურნალისტებს თელავში განუცხადა, რომ იგი, როგორც საკოორდინაციო საბჭოს თავმჯდომარე და პრემიერ-მინისტრი, არ დაუშვებს სავალდებულო ვაქცინაციას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.