საქართველოს კულტურის, სპორტისა და ახალგაზრდობის მინისტრი თეა წულუკიანი და მინისტრის მოადგილე სოსო გიორგაძე თბილისში მდებარე მეკლდეურობის დარბაზს ესტუმრნენ და იქ არსებულ სავარჯიშო პირობებს გაეცნენ.
თეა წულუკიანის განცხადებით, მეკლდეურობას საქართველოში დიდი ტრადიციები აქვს და სასიხარულოა, რომ ის წელს ოლიმპიურ თამაშებს შორის მოხვდა. სპორტის მინისტრის თქმით, საქართველო უკვე იანვრიდან დაიწყებს მზადებას, რათა პარიზის 2024 წლის ოლიმპიურ თამაშებზე ქართველი მეკლდეურები ღირსეულად წარდგნენ. ამისათვის კი ინფრასტრუქტურის სწრაფი მშენებლობა, სპორტსმენების აღჭურვა და მათი საზღვარგარეთ საწვრთნელად გაგზავნა არის აუცილებელი.
ამასთან, მეკლდეურობა ერთ-ერთია იმ სპორტის სახეობებს შორის, რომელსაც სპორტის სამინისტრო მასობრივი სპორტის განვითარების კუთხით პრიორიტეტულ მიმართულებად მიიჩნევს.
მინისტრის ინიციატივით, მომავალ წელს დაიწყება საქართველოში საერთაშორისო სტანდარტის ცოცვის კედლის მშენებლობა, რომელიც ჩვენს სპორტსმენებს სრულფასოვანი ვარჯიშის, ხოლო ჩვენს ქვეყანას საერთაშორისო ტურნირების მასპინძლობის საშუალებას მისცემს. დაიგეგმა ასევე თანამშრომლობა მუნიციპალიტეტებთან და განათლების სამინისტროსთან, რათა მცირე ზომის კედლების შენება გაგრძელდეს და გაიზარდოს სპორტის ამ სახეობით დაინტერესება ახალგაზრდებში.
ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.