სკეპტიკოსის კომენტარი:

არ მჯერა ივანაშვილის გაპარვის! ფიზიკურად რომც არ იყოს ქვეყანაში, ბოლომდე შეინარჩუნებს მართვის სადავეს. შს მინისტრი და სახელმწიფო დაცვის სამსახურის უფროსები მისი პირადი დაცვის უფროსები არიან. სუს-ის უფროსი და თავდაცვის მინისტრი - ქართუ ბანკის შნირები.

პრემიერად ჰყავს დანიშნული არსება, ვისაც ბორის გრიგორის ძე უნივერსიტეტზე ზეაღმატებულად მიაჩნია (თან ამტკიცებს, სორბონა მაქვს დამთავრებულიო). მეტი არც არავინ სჭირდება ქვეყნის სამართავად.

ყველა ჩამოთვლილი და ჩამოუთვლელი სუბიექტი ისეთი ჯიშისა ჰყავს შერჩეული, ვისაც კარგად ესმის - მის გარეშე მათი ფასი სალომეს ნა..ებ ლობიოდაც არ ღირს. ეგეც არ იყოს, ყველა დიდ ფულად კონვეიერზე ჰყავს მიბმული, ინახავს ყველას კორუფციისა და პირადი ცხოვრების მასალებს. ამიტომ იცის - მის ერთგულებას შეინარჩუნებენ ბოლომდე.

უცხოეთში მის წასვლას სამი ახსნა შეიძლება ჰქონდეს.

1. „რამე" რომ მოხდება, ფიზიკურად ვერსაიდან გამოათრევს ხალხი;

2. პირადად დაუვლის შესაძლო ლობისტებს და ეცდება, ყველა თავიდან ან ახლები იყიდოს.

3. აპირებს ელიტური კარტოფილის თესლის ახალი პარტიის შესყიდვას.

ახლა მთავარი: დიდი სურვილიც რომ ჰქონდეს, ქართული პოლიტიკიდან არავინ გაუშვებს. იმიტომ რომ 2011 წელს მიძინებული აგენტი გააღვიძეს საგანგებო მისიით და იმ მისიას მას შემდეგ ასრულებინებენ - „არა ნატოს, არა ევროკავშირს, არა დემოკრატიას, არა დალაგებულ სახელმწიფოს, არა სტრატეგიულ პროექტებს“.

ქვეყნის დაკარგვას, რომელიც ასე მარტივად გამოგლიჯა დასავლეთს და ჩაიდო ჯიბეში, პუტინი არ აპატიებს.

მოკლედ - სანამ ჩვენი უფრო არ შეეშინდება, ვიდრე „ნოვიჩოკის“, უკან არაფერზე დაიხევს. მათ შორის, არც მიშას წამებასა და სიკვდილზე.

იმასაც ხვდება, რომ ნოვიჩოკიანი ან პოლონიუმიანი ბიჭები უკვე ახლოს არიან. მათ ვერსად დაემალება.

თენგიზ გოგოტიშვილი,

ჟურნალისტი

წყარო: Facebook-ი