უწყებათაშორისი სწავლების „დიდგორი 2021“ საშტაბო და საველე კომპონენტები საქართველოს მასშტაბით 14 ლოკაციაზე პარალელურად მიმდინარეობს. დღეს „დიდგორი 2021“-ის საშტაბო კომპონენტის გასაცნობად საქართველოში აკრედიტებული დიპლომატიური კორპუსის წარმომადგენლები საერთო საჯარისო ცენტრს ესტუმრნენ. დიპლომატები სწავლების ფარგლებში განლაგებულ იმიტირებული გენერალური შტაბისა და საკოორდინაციო ცენტრის მუშაობას ადგილზე გაეცვნენ და „დიდგორი 2021“-ის შესახებ პრეზენტაცია მოისმინეს.
თავდაცვის ატაშეები, ნატო-საქართველოს არსებითი პაკეტის (SNGP) ძირითადი ჯგუფისა და აშშ-ის თავდაცვის სფეროში თანამშრომლობის ოფისის (ODC) წარმომადგენლები სწავლების სიტუაციურ ცენტრშიც იმყოფებოდნენ. დიპლომატები ადგილზე დააკვირდნენ სიმულაციური სისტემების საშუალებით სწავლების მონიტორინგის მეთოდებს, ასევე დაესწრნენ ახალი სიმულაციური სისტემებით VBS3 (ვირტუალური ბრძოლის ველი) გათამაშებას. VBS3 თავდაცვის ძალებში პირველად გამოიყენება და საწვრთნელ ქვედანაყოფსა და სწავლების მაკონტროლებელ ჯგუფს საშუალებას აძლევს სწავლებაში მიმდინარე მოვლენები რეალურ დროში აკონტროლონ და საერთო ოპერატულ სურათზე გამოსახონ.
„დიდგორი 2021“ წელს უკვე მერვედ ტარდება. სიმულაციური სცენარის მიხედვით საქართველოს სახელმწიფო უწყებების წარმომადგენლებს კოორდინირებული მუშაობით უწევთ საომარ და კრიზისულ სიტუაციაში ურთიერთქმედება, ასევე ჰიბრიდულ გამოწვევებთან, მოწინააღმდეგის საინფორმაციო ზეგავლენის ოპერაციებთან და დეზინფორმაციასთან გამკლავება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.