საქართველოს თავდაცვის მინისტრი ვიზიტით უნგრეთის რესპუბლიკაში იმყოფება. ჯუანშერ ბურჭულაძეს უნგრელმა კოლეგამ ტიბორ ბენკომ უმასპინძლა. შეხვედრაზე მხარეებმა უსაფრთხოების საკითხები მიმოიხილეს და უწყებებს შორის თავდაცვის სფეროში ორმხრივი თანამშრომლობის გაძლიერების გზებზე იმსჯელეს. აღინიშნა, რომ ბოლო ორი წლის განმავლობაში გამართული მაღალი დონის ვიზიტები ორი ქვეყნის თავდაცვის ინსტიტუტებს შორის კავშირების განმტკიცების ნათელი მაგალითია.
ჯუანშერ ბურჭულაძემ უნგრეთის მხარეს საქართველოს ევროპული და ევროატლანტიკური მისწრაფებების ურყევი მხარდაჭერისთვის და პრაქტიკული დახმარებისათვის მადლობა გადაუხადა. მინისტრმა კოლეგას თავდაცვის უწყებაში მიმდინარე რეფორმები გააცნო, რომელიც ქვეყნის თავდაცვისუნარიანობის გაძლიერებას და ნატოს სტანდარტებთან თავსებადობის გაზრდას ისახავს მიზნად. ასევე, საუბარი შეეხო ნატო-საქართველოს არსებითი პაკეტის (SNGP) განხორციელების პროცესში უნგრეთის მხრიდან გაწეულ დახმარებასა და სამხედრო განათლების მიმართულებით თანამშრომლობის საკითხებს.
თავდაცვის სამინისტროს დელეგაციის წევრები გმირთა მოედანზეც იმყოფებოდნენ, სადაც დაღუპულ გმირთა მემორიალი გვირგვინით შეამკეს. ვიზიტის ფარგლებში ჯუანშერ ბურჭულაძემ უნგრელ კოლეგასთან ერთად „2021 უნგრეთის მედეგობისა და წინააღმდეგობის გაწევის კონფერენცია“ გახსნა.
უწყების ხელმძღვანელი ბუდაპეშტში არსებულ ნატოს სამხედრო მედიცინის დახელოვნების ცენტრსაც ესტუმრება, სადაც ურთიერთგაგების მემორანდუმს მოეწერება ხელი. ასევე, დაგეგმილია შეხვედრა აშშ-ის სპეციალური ოპერაციების ძალების მეთაურთან, გენერალ რიჩარდ კლარკთან.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.