სულ მცირე 53 ადამიანია გარდაცვლილი და ათეულობით სხვას დაზიანებები აქვს მიღებული, ზოგიერთს სერიოზული, სამხრეთ მექსიკაში, მას შემდეგ, რაც სატვირთო ავტომობილი, რომელშიც ეს ადამიანები იმყოფებოდნენ, ავარიაში მოჰყვა. გარდაცვლილთა შორის ბავშვებიც არიან.
როგორც BBC იუწყება, 100-ზე მეტი ადამიანი, რომლებიც, როგორც ამბობენ, მიგრანტები იყვნენ ცენტრალური ამერიკიდან, სატვირთო ავტომანქანის მისაბმელში შტატ ჩიაპასში ჩასვეს. ადგილობრივი ხელისუფლების წარმომადგენელთა თქმით, სატვირთო ავტომანქანაში მყოფებიდან უმრავლესობა ჰონდურასიდან და გვატემალადან იყვნენ.
გავრცელებული ინფორმაციით, სატვირთო ავტომანქანა ჩიაპასის შტატის დედაქალაქ ტუქსტლა გუტიერესკენ მიმავალ მთავარ გზაზე მაღალი სიჩქარით მოძრაობდა, როდესაც მკვეთრ მოსახვევში გადატრიალდა და ფეხით მოსიარულეთა ხიდს შეეჯახა.
ჩიაპასი, რომელიც გუატემალას ესაზღვრება, მთავარი სატრანზიტო პუნქტია დოკუმენტების არმქონე მიგრანტებისთვის.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.