საქართველოს ეროვნულ გვარდიას 31 წელი შეუსრულდა. პროფესიული დღე გვარდიის პირად შემადგენლობას და ვეტერან გვარდიელებს საქართველოს თავდაცვის ძალების მეთაურის მოადგილემ, ბრიგადის გენერალმა ირაკლი ჭიჭინაძემ და ეროვნული გვარდიის მეთაურმა, ბრიგადის გენერალმა რომან ჯოხაძემ მიულოცეს. თავდაცვის უწყების ხელმძღვანელმა პირებმა საქართველოს ერთიანობისთვის ბრძოლის დროს, სამშვიდობო მისიებსა და სამსახურეობრივი მოვალეობის შესრულების დროს დაღუპულ გმირთა მემორიალი გვირგვინით შეამკეს.
მოგვიანებით, საიუბილეო ღონისძიება თავდაცვის სამინისტროს „არმიჰოლში“ გაგრძელდა. ეროვნული გვარდიის წარმომადგენლებს იუბილე თავდაცვის ძალების მეთაურმა, გენერალ-მაიორმა გიორგი მათიაშვილმა მიულოცა და თავდაცვის ძალებისთვის ეროვნული გვარდიის მნიშვნელობაზე გაამახვილა ყურადღება. ბრიგადის გენერალმა რომან ჯოხაძემ კი, 2021 წელს ეროვნული გვარდიის მიერ შესრულებული სამუშაოს შემაჯამებელი პრეზენტაცია წარადგინა. ეროვნული გვარდიის წარმომადგენლებს პროფესიული დღე მიულოცა თავდაცვის მინისტრის პირველმა მოადგილემ ლელა ჩიქოვანმა და მოკლევადიან და გრძელვადიან კონცეპტუალურ დოკუმენტებში ეროვნული გვარდიის როლზე ისაუბრა.
ეროვნული გვარდიის წარმომადგენლები უწყებრივი მედლებითა და სიგელებით დაჯილდოვდნენ. ასევე, ოფიცრებს გადაეცათ საშტატო იარაღიც. ეროვნული გვარდიის აღმშენებლობისა და განვითარებაში შეტანილი განსაკუთრებული წვლილისთვის, საქართველოს თავდაცვის ყოფილ მინისტრს, თადარიგის გენერალ-ლეიტენანტ დავით თევზაძეს „ღირსეული გვარდიელის“ სიგელი და სამკერდე ნიშანი გადაეცა.
საქართველოს ეროვნული გვარდია 1990 წლის 20 დეკემბერს საქართველოს უზენაესი საბჭოს მიერ მიღებული კანონის საფუძველზე შეიქმნა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.