ავღანეთში, ბაგრამის საავიაციო ბაზაზე გეგმური სამხედრო წვრთნები გაიმართა. სწავლებაში საქართველოს შეიარაღებული ძალების II ქვეითი ბრიგადის 22-ე ბატალიონი მონაწილეობდა.
ქართული ბატალიონის სამხედრო მოსამსახურეებმა აქტიური მომზადება გაიარეს ისეთ საკითხებში, როგორიცაა დაშავებულის პირველადი სამედიცინო დახმარება და ევაკუაცია, სწრაფი რეაგირება, აერომობილური მზადება და ავტომატური ცეცხლსასროლი იარაღიდან სროლა. ქართველ სამხედროებს წვრთნები ასევე ჩაუტარდათ კონტაქტზე რეაგირებაში, გადაადგილებისას რელიეფზე პოზიციების შერჩევასა და სექტორების კონტროლში. წვრთნები სისტემატური ხასიათისაა და მიზნად ისახავს სამხედრო უნარ-ჩვევების კიდევ უფრო დახვეწას.
22-ე ბატალიონის ხელმძღვანელობის შეფასებით, ქართული ქვედანაყოფი სრულ მზადყოფნაშია მასზე დაკისრებული ამოცანების მაღალ დონეზე შესასრულებლად.
საქართველოს შეიარაღებული ძალების II ქვეითი ბრიგადის 22-ე ბატალიონი „მტკიცე მხარდაჭერის“ მისიას ბაგრამის საავიაციო ბაზაზე ასრულებს. ბატალიონის მთავარ ამოცანას ბაზის შიდა და გარე უსაფრთხოების დაცვა წარმოადგენს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.