საქართველოს თავდაცვის მინისტრის პირველმა მოადგილემ ნორვეგიის სამეფოს ელჩს, ჰელენ სანდ ანდრესენსა და ახლადდანიშნულ თავდაცვის ატაშეს უმასპინძლა.
ლელა ჩიქოვანმა ვიცე-პოლკოვნიკ ბიორნ ოლე გეროუდასს საქართველოში თავდაცვის ატაშეს პოზიციაზე წარმატებები უსურვა და ორ ქვეყანას შორის თავდაცვის სფეროში ნაყოფიერი თანამშრომლობის იმედი გამოთქვა.
ლელა ჩიქოვანმა ნორვეგიელ დიპლომატებს საქართველოს სუვერენიტეტისა და ტერიტორიული მთლიანობის, ასევე ქვეყნის ევროატლანტიკურ სტრუქტურებში გაწევრიანების გზაზე მხარდაჭერისთვის მადლობა გადაუხადა.
საქართველოს თავდაცვის ძალებში მიმდინარე რეფორმებზე საუბრისას, თავდაცვის მინისტრის მოადგილემ ყურადღება ნატო-საქართველოს არსებითი პაკეტის (SNGP) განხორციელებაში ნორვეგიის აქტიურ ჩართულობაზე, ერთ-ერთი წამყვანი ინიციატივის, ნატო-საქართველოს წვრთნებისა და შეფასების ერთობლივი ცენტრის (JTEC) განვითარებაში ნორვეგიელი ექსპერტების წამყვან როლზე გაამახვილა.
ლელა ჩიქოვანმა საქართველოს ეროვნულ გვარდიასა და ნორვეგიის სამეფოს შიდა გვარდიას შორის მჭიდრო ორმხრივი თანამშრომლობაც ხაზგასმით აღნიშნა.
შეხვედრაზე საუბრის მთავარ თემას უკრაინაში განვითარებული მოვლენები წარმოადგენდა.
მხარეებმა რუსეთის აგრესია კიდევ ერთხელ დაგმეს და უკრაინის მიმართ მხარდაჭერა და სოლიდარობა გამოხატეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.