GUARDIAN.GE - ავსტრალიამ ბელარუსის პრეზიდენტს, ალექსანდრე ლუკაშენკოს, რუსეთისთვის დახმარების გაწევის გამო სანქციები დაუწესა. ამის შესახებ ავსტრალიის საგარეო საქმეთა სამინისტროს განცხადებაშია ნათქვამი. სანქცირებულთა შორის არიან ასევე ლუკაშენკოს ცოლი გალინა და მისი ვაჟი ვიქტორი, რომელიც ადრე მთავრობაში ეროვნული უსაფრთხოების განხრით მაღალ თანამდებობებს იკავებდა.
ახალი სანქიცების სამიზნეა ასევე 22 „რუსული პროპაგანდისტული და დეზინფორმაციული პერსონალი“, მათ შორის მედიასაშუალებების - Russia Today-ის, Strategic Culture Foundation-ის, InfoRos-ისა და NewsFront-ის მთავარი რედაქტორები.
როოგორც განცხადებაშია ნათქვამი, სანქციები იმისთვისაა, რომ „უზრუნველყოს, რომ რუსეთმა და მათ, ვინც მხარს უჭერს მის უკანონო, არაპროვოცირებულ შეჭრას თავის დემოკრატიულ მეზობელზე, გადაიხადოს მაღალი ფასი“.
ავსტრალია „განაგრძობს შემდგომი სანქციების დაწესებას, რათა მნიშვნელოვანი ფინანსური დარტყმა მიაყენოს რუსეთსა და ბელარუსში მათ, ვინც პასუხისმგებელია ან ფლობს ძალაუფლების ბერკეტებს“, - აღნიშნულია განცხადებაში.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.